Water Crisis: मार्च महिन्यातच उन्हाची तीव्रता वाढू लागल्याने जिल्ह्यातील धरणांतील जलसाठा झपाट्याने घटत असून सध्या एकूण साठा केवळ ५५.४३६ टक्क्यांवर आला आहे. गेल्या वर्षी याच काळात धरणांमध्ये ८८.८७ टक्के पाणीसाठा उपलब्ध होता. त्यामुळे खरीपपूर्व पिकांच्या सिंचना करता पाण्याच्या उपलब्धतेचे मोठे आव्हान उभे राहण्याची शक्यता व्यक्त केली जात आहे..जिल्ह्यातील ६३ लघु प्रकल्पांमध्ये सध्या सरासरी ५५.४३६ टक्के उपयुक्त पाणीसाठा शिल्लक आहे. वाढत्या तापमानामुळे मार्चच्या मध्यापासूनच जलसाठा झपाट्याने घटू लागला आहे. यामुळे उन्हाळ्यातील पिकांसाठी तसेच पिण्याच्या पाण्यासाठी नियोजन करणे प्रशासनासाठी महत्त्वाचे ठरणार आहे..Water Scarcity Satara: साताऱ्यातील ६३१ गावांसाठी २२.८३ कोटींचा टंचाई आराखडा.जिल्ह्यातील ४ मध्यम प्रकल्पांची एकूण क्षमता ४२.८१५ दशलक्ष घनमीटर असून सध्या त्यात १९.८६६ दशलक्ष घनमीटर (सुमारे ४६.३९९ टक्के) पाणीसाठा शिल्लक आहे. चांदपूर (तुमसर) धरणात २८.८०९ दशलक्ष घनमीटर क्षमतेपैकी १५.०४४ दशलक्ष घनमीटर (५२.०१२ टक्के) पाणी आहे. बघेडा धरणात ४.५३८ दशलक्ष घनमीटर क्षमतेपैकी ०.७३१ दशलक्ष घनमीटर (१६,१०८ टक्के) पाणी शिल्लक आहे..Water Scarcity: सांगली जिल्ह्याचा टंचाई आराखडा ३४ कोटींचा.सोरणा (मोहाडी) धरणात ५.७३५ दशलक्ष घनमीटर क्षमतेपैकी २.८८६ दशलक्ष घनमीटर (५०.३२३ टक्के) साठा आहे. बेटेकर–बोथली प्रकल्पात ३.६६६ दशलक्ष घनमीटर क्षमतेपैकी १.२०५ दशलक्ष घनमीटर (३२.८७० टक्के) पाणी उपलब्ध आहे. रब्बी हंगाम अंतिम टप्प्यात असला तरी उन्हाळी पिकांच्या सिंचनासाठी पाण्याची मागणी वाढत आहे. .वाढत्या तापमानामुळे बाष्पीभवनाचा वेग वाढल्याने जलसाठ्यावर ताण निर्माण होत आहे. साकोली, तुमसर आणि भंडारा तालुक्यातील प्रकल्पांमध्ये मध्यम साठा असला तरी येत्या महिन्यांचा विचार करता पाण्याचा काटकसरीने वापर करणे अत्यावश्यक असल्याचे तज्ज्ञांचे मत आहे. अशातच पाणीसाठ्यातील झपाट्याने होत असलेली घट लक्षात घेता सिंचनासोबतच पिण्याच्या पाण्याच्या व्यवस्थापनाचे मोठे आव्हान प्रशासनासमोर उभे राहण्याची शक्यता व्यक्त होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
