डॉ. के. व्ही. सुशीर, डी. एस. पवार, डॉ. एस. डी. तळेकर, डॉ. ए. डी. कडलग Sugarcane Seed Quality Verification Guide: सध्या राज्यात को-८६०३२ या ऊस जातीच्या नावाखाली कोइमतूर आणि नीरा या वेगळ्या जाती असल्याचे भासवून वाढीव दराने बियाणे विक्री सुरू असल्याचे निदर्शनास आले आहे. या बाबतीत वसंतदादा शुगर इन्स्टिट्यूटमधील शास्त्रज्ञांनी तपासणी केली असता ही जात दुसरी तिसरी कुठली नसून को- ८६०३२ आहे. को-८६०३२ ही जात कोइमतूर, तमिळनाडू येथील असून, पाडेगाव ऊस संशोधन केंद्रातील शास्त्रज्ञांनी त्यावर संशोधन करून, महाराष्ट्रासाठी नीरा या नावाने १९९६ मध्ये प्रसारित केली आहे..ही जात को-६२१९८ आणि कोसी-६७१ या जातींच्या संकरापासून तयार झाली आहे. शेतकऱ्यांनी वेगवेगळ्या नावाने आपल्या शेतात लागवड केलेल्या को-८६०३२ या जातीचे खत, पाणी तसेच रोग, कीड व्यवस्थापन शिफारशीप्रमाणे करावे..संस्थेतील तज्ज्ञांनी केलेल्या पाहणीमध्ये काही परिसरात शेतकऱ्यांनी, या उसाच्या जातीचे बेणे आणून त्याची ठिबकवर लागवड केली आहे. दोन सरींतील अंतर चार फूट आणि दोन डोळ्यांतील अंतर दोन फूट ठेवले आहे. योग्य व्यवस्थापन आणि सेंद्रिय खताचा वापर केल्याने हा ऊस अतिशय जोमदार वाढला आहे..Sugarcane Seed Treatment: उतिसंवर्धित रोपांपासून तयार करा ऊस बेणे मळा.त्याचबरोबर कांड्या लांब आणि जाडी चांगली झाली आहे. ज्या शेतकऱ्यांनी शिफारशीप्रमाणे व्यवस्थापनाचा अवलंब केला नाही त्या ठिकाणी को-८६०३२ या जातीचा ऊस बारीक झालेला दिसून आला आहे. त्यामुळे कोइमतूर किंवा नीरा ही उसाची दुसरी नवीन जात नसून को-८६०३२ आहे..वसंतदादा शुगर इन्स्टिट्यूट, पुणे आणि मध्यवर्ती ऊस संशोधन केंद्र, पाडेगाव येथून नवीन तयार झालेली जात, प्रसारित झाल्यानंतर काही शेतकरी नवीन जातीच्या नावाखाली इतर अप्रसारित जातींचे ऊस बियाणे वाढीव दराने विक्री करतात..New Sugarcane Variety: उसाचे अधिक उत्पादन देणारे, रोगप्रतिकारक नवे वाण लवकरच.या शिवाय इतर जाती, जसे की सिद्धगिरी १२३४, ज्ञानेश्वर १२ आणि प्रसारित जातीची मान्यता रद्द झालेली जात को-६२१७५ या जातीचे बेणे नवीन तयार झालेल्या जातीच्या नावाखाली विक्री करत आहेत. हे लक्षात घेता ऊस बेणे खरेदी करण्यापूर्वी शेतकऱ्यांनी तज्ञांशी बोलून आणि त्यांच्याकडूनच प्रसारित जातीची खात्री करून, मगच बेणे खरेदी करावे..सातारा, सांगली, कोल्हापूर, बारामती, इंदापूर, अहिल्यानगर, छत्रपती संभाजीनगर, बीड, नांदेड आणि सोलापूर इत्यादी भागामध्ये बऱ्याच ठिकाणी वेगवेगळ्या नावाने ऊस बेणे विकले जात असल्याची माहिती मिळाली आहे..याबाबत वसंतदादा शुगर इन्स्टिट्यूट येथील शास्त्रज्ञांनी परिसराची पाहणी करून पडताळणी केली असता, बोगस बेण्यांची विक्री चालू असल्याचे आढळून आले आहे. त्यामुळे उसाची नवीन जात असल्याचे समज तयार करून या बेण्याची ज्ञानेश्वर, नीरा, कोइमतूर या नावाने विक्री होत असल्याचे दिसून येत आहे. त्यामुळे शेतकऱ्यांनी अप्रसारित ऊस जातीचे बेणे वाढीव दराने विकत घेऊ नये आणि फसवणुकीपासून नुकसान टाळावे..वसंतदादा शुगर इन्स्टिट्यूटमध्ये जुलै आणि नोव्हेंबर या महिन्यांमध्ये ऊस शेतीबाबत प्रशिक्षण कार्यक्रम होतात. या कार्यक्रमामध्ये महाराष्ट्रातील ऊस जातींची माहिती आणि व्यवस्थापनाबाबत मार्गदर्शन केले जाते. शेतकऱ्यांनी वसंतदादा शुगर इन्स्टिट्यूट, मध्यवर्ती ऊस संशोधन केंद्र, पाडेगाव, राज्यातील कृषी विद्यापीठे तसेच कृषी विज्ञान केंद्र इत्यादी मान्यताप्राप्त संस्थांकडून ऊस बेणे खरेदी करावे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
