Ahilyanagar News: पारंपरिक शेतीपेक्षा आधुनिक पद्धतीने शेती केल्यास हा व्यवसाय नक्कीच फायदेशीर ठरेल. सेंद्रिय शेती करण्यासाठी सर्व शेतकऱ्यांनी पुढाकार घेणे गरजेचे असून आधुनिक शेडनेट पद्धतीच्या वापरामधून कृषी उत्पादनात मोठी वाढ होत असल्याचे मत माजी महसूलमंत्री बाळासाहेब थोरात यांनी व्यक्त केले आहे..संगमनेर तालुक्यातील सावरगाव घुले येथील प्रगतिशील शेतकरी मंगेश ढोकरे यांच्या शेतीला श्री. थोरात यांनी भेट दिली. त्यांच्या अत्याधुनिक शेती व्यवस्थापनाची प्रत्यक्ष पाहणी करून व त्यांच्याशी संवाद साधून समाधान व्यक्त केले. श्री. ढोकरे यांनी एकूण १३.५ एकर क्षेत्रावर अत्याधुनिक शेडनेट हाऊस उभारले असून, यामध्ये कोठे खुर्द येथील ४.५ एकर आणि सावरगाव घुले येथील ९ एकर क्षेत्राचा समावेश आहे. .Modern Farming: शेतकऱ्यांचा आधुनिक लागवड पद्धतीकडे वाढता कल.गेल्या तीन वर्षांपासून ते शेडनेट पद्धतीने कलर शिमला मिरचीचे यशस्वी उत्पादन घेत आहेत. सध्या ११ एकर क्षेत्रावर कलर शिमला मिरची तर २.५ एकर क्षेत्रावर एक्स्पोर्ट दर्जाच्या केळीची लागवड करण्यात आलेली आहे. शेडनेट शेतीमुळे ऊन, वारा, पाऊस तसेच विविध किडींपासून पिकांचे प्रभावी संरक्षण होते. .Shednet Farming : आपत्तीमुळे शेडनेटच्या नुकसानीचा मुद्दा ऐरणीवर.विशेषतः कलर शिमला मिरची हे पीक जास्त तापमान सहन न करणारे असल्याने खुल्या शेतीमध्ये त्याची लागवड शक्य नसते. त्यामुळे शेडनेट पद्धतीने घेतलेले उत्पादन अधिक दर्जेदार व फायदेशीर ठरत आहे. पठार भाग असूनही पाण्याचे सुयोग्य नियोजन करत श्री. ढोकरे यांनी २.५ एकर क्षेत्रात सुमारे ७५ फूट खोल शेततळे उभारले आहे..या शेततळ्यात सुमारे ४ कोटी लिटर पाणीसाठा होतो. पावसाचे पाणी साठवून उन्हाळ्यातही बागायती शेती यशस्वीपणे फुलवण्याचे हे नियोजन निश्चितच इतर शेतकऱ्यांसाठी प्रेरणादायी ठरत आहे. थोरात म्हणाले की, अत्यंत शिस्तबद्ध नियोजन, आधुनिक तंत्रज्ञानाचा योग्य वापर आणि मेहनतीच्या जोरावर श्री. ढोकरे यांनी शेती कशी करावी याचे उत्तम उदाहरण उभे केले आहे. त्यांच्या या यशस्वी वाटचालीतून परिसरातील शेतकऱ्यांना नवी दिशा मिळत आहे. या शेतीचा तरुण शेतकऱ्यांनी आदर्श घ्यावा. या वेळी डॉ. जयश्री थोरात यांच्यासह शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
