Sunflower Sowing Maharashtra: यंदा एलनिनोमुळे अत्यंत कमी पाऊस पावसाळ्यात झाला. त्यामुळे रब्बी हंगामात कमी कालावधीतील पिक आणि वाणांना प्राधान्य देणे महत्त्वाचे आहे. यात खानदेशात अनेक शेतकरी रब्बी सूर्यफुलाच्या लागवडीला प्राधान्य देत आहेत. त्यामुळे पाण्याची उपलब्धता, तेलाचे प्रमाण, कालावधी हे लक्षात घेऊन वाणाची निवड करणे महत्त्वाचे आहे. यासाठी गळीत धान्ये संशोधन केंद्रातील तज्ज्ञांनी वाणांची शिफारस केली आहे. .सूर्यफुलाच्या लागवडीसाठी सुधारित आणि संकरित वाणांचा वापर करण्याचा सल्ला दिला जातो. सुधारित वाणांमध्ये लातूर सूर्यफूल, फुले भास्कर, एस.एस.२०३८ म्हणजेच भानू आणि मॉडर्न यांचा समावेश आहे. तर संकरित वाणांमध्ये लातूर संकरित सूर्यफूल-२७७, लातूर संकरित सूर्यफूल-३५, के.बी.एस.एच.-४४, डी.आर.एस.एच.-१, फुले रविराज आणि अकोला संकरित सूर्यफूल-६५ यांचा समावेश आहे..Wheat Varieties: वेळेवर पेरणीसाठी गव्हाचे सर्वोत्तम ४ वाण; वाढवा उत्पादनाची खात्री!.सुधारित वाणलातूर सूर्यफूल ८ हा वाण ८५ ते ९० दिवसांत तयार होतो. त्यात ३६ ते ३७ टक्के तेल असते आणि सरासरी उत्पादनक्षमता १२ ते १४ क्विंटल प्रति हेक्टरी उत्पादन मिळते. हा वाण केवडा रोगप्रतिबंधक आहे. शिवाय कमी उंचीचा आणि कमी कालावधीत तयार होणारा आहे.फुले भास्कर हा वाण ९० ते ९५ दिवसांत तयार होतो. यात तेलाचे प्रमाण ३६ ते ३७ टक्के, तर हेक्टरी सरासरी उत्पादनक्षमता १५ ते १६ क्विंटल आहे.एस.एस.-२०३८ (भानू) या वाणाचा कालावधी ९० ते ९५ दिवस आहे. यातील तेलाचे प्रमाण ३७ ते ३८ टक्के आणि उत्पादन हेक्टरी १४ ते १५ क्विंटल आहे. हे अधिक उत्पादनक्षम व उंच वाढणारे वाण असून तेलाचे प्रमाणही जास्त मिळते.मॉडर्न हा वाण कमी कालावधीत येतो त्यामुळे कोरडवाहू लागवडीसाठी योग्य मानला जातो. हा वाण साधारण ८० ते ८५ दिवसात तयार होतो. त्यात ३३ ते ३५ टक्के तेल असते तर उत्पादनक्षमता हेक्टरी १० ते १२ क्विंटल इतकी आहे..Sesame Varieties: कमी पाण्यात जास्त नफा देणारे रोगप्रतिकारक उन्हाळी तीळ वाण.संकरित वाणलातूर संकरित सूर्यफूल १७१ हा वाण कोरडवाहू आणि बागायती अशा दोन्ही लागवडींसाठी योग्य मानला जातो. हा वाण ९० ते ९५ दिवसात तयार होत असून त्यात ३४ ते ३५ टक्के तेलाचे प्रमाण असते. या वाणाची हेक्टरी उत्पादनक्षमता १८ ते २० क्विंटल इतकी असते. तसेच हा वाण केवडा रोगासाठी प्रतिबंधात्मक असतो.लातूर संकरित सूर्यफूल ३५ हा वाण ८५ ते ९० दिवसात तयार होत असल्याने कोरडवाहू लागवडीसाठी योग्य मानला जातो. तसेच महाराष्ट्रासाठी हा वाण योग्य मानला जातो. हा वाण केवडा रोगासाठी प्रतिबंधक असतो. या वाणामध्ये ३७ ते ३८ टक्के तेलाचे प्रमाण अशते तर १५ ते १६ क्विंटल हेक्टरी उत्पादनक्षमता असते..के. बी. एस. एच. ४४- हा वाण कोरडवाहू आणि बागायती क्षेत्रासाठी योग्य मानला जातो. या वाण ९० ते ९५ दिवसात तयार होतो आणि यामध्ये ३५ ते ३६ टक्के तेलाचे प्रमाण असते.डी. आर. एस. एच. १ हा वाण उंच वाढणारा आणि जास्त तेलाचे प्रमाण असणारा आहे. यामध्ये तब्बल ३८ ते ४० टक्के तेलाचे प्रमाण असते.फुले रविराज हा वाण महाराष्ट्रातील कोरडवाहू आणि बागायती लागवडीसाठी योग्य मानला जातो. हा वाण ९० ते ९५ दिवसात तयार होतो. यात ३४ ते ३५ टक्के तेलाचे प्रमाण असते. तर उत्पादनक्षमता हेक्टरी १६ ते १७ क्विंटल इतकी मिळते.अकोला संकरित सूर्यफूल ८५२ हा वाण कमी कालावधीत तयार होणारा असून कोरडवाहू आणि विशेषत: विदर्भातील लागवडीसाठी तो योग्य मानला जातो. हा वाण ८५ ते ९० दिवसात तयार होत असून याची हेक्टरी उत्पादनक्षमता ३६ ते ३७ क्विंटल इतकी मिळते..सूर्यफुलाची पेरणीरब्बी सूर्यफुलाची पेरणी ऑक्टोबरच्या पहिल्या पंधरवड्यात करावी. शक्यतो टोकण पद्धतीने पेरणी करून हेक्टरी ५ किलो बियाणे वापरावे. पाभरीने पेरणी केल्यास हेक्टरी ८ ते १० किलो बियाणे लागते. पूर्वमशागतीसाठी वखराच्या दोन पाळ्या द्याव्यात. शेवटच्या वखराच्या पाळीपूर्वी हेक्टरी ५ ते १० टन कुजलेले शेणखत जमिनीत मिसळावे. भारी जमिनीत ६० बाय ३० सेंमी, तर मध्यम जमिनीत ४५ बाय ३० सेंमी अंतर ठेवावे. टोकण पद्धतीने पेरणी करताना प्रत्येक ठिकाणी दोन बिया टाकाव्यात.सूर्यफुलाची आंतरपिकात लागवड केल्यास पिकाचे शाश्वत उत्पादन मिळण्यास मदत होते. कोरडवाहू क्षेत्रात सोयाबीन-सूर्यफूल, मूग/उडीद-सूर्यफूल अशा पद्धतीने पीकांची लागवड करता येते. तर बागायती क्षेत्रात भुईमूग-सूर्यफूल-तीळ, कापूस-सूर्यफूल, तूर-सूर्यफूल आणि ज्वारी-सूर्यफूल अशी पीकपद्धती करता येते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
