Tractor chalit perani yantra: खरीपाचा हंगाम सुरू होताच पेरणीची लगबग वाढते. मात्र वेळेवर आणि योग्य पद्धतीने पेरणी झाली तरच चांगले उत्पादन मिळते. पारंपरिक पद्धतीने पेरणी करताना बियाणे जास्त किंवा कमी पडणे, खताचा अपव्यय होणे, ओळीतील अंतर बदलणे अशा समस्या अनेकदा निर्माण होतात. अशा वेळी ट्रॅक्टरचलित पेरणी यंत्र शेतकऱ्यांसाठी फायदेशीर ठरते. या यंत्रामुळे कमी वेळेत, कमी खर्चात आणि अधिक अचूक पेरणी करता येते..हे यंत्र गहू, सोयाबीन, हरभरा, तूर, मूग, उडीद, ज्वारी यांसारख्या विविध धान्य, कडधान्य आणि तेलबिया पिकांसाठी उपयुक्त आहे. यंत्राचे मुख्य काम म्हणजे बियाणे आणि खत योग्य प्रमाणात, योग्य खोलीवर आणि ठरावीक ओळीतील अंतरावर टाकणे. त्यामुळे प्रत्येक रोपाला वाढीसाठी आवश्यक जागा मिळते आणि उगवणही एकसारखी होते..Seed Drill Tips: अल्पभूधारित शेतकऱ्यांसाठी कोणते पेरणी यंत्र फायदेशीर?.या यंत्रामध्ये बियाणे आणि खतासाठी स्वतंत्र पेट्या, बीजमापन यंत्रणा, फणी, चकरी, बी-खत नळ्या आणि मजबूत फ्रेम असते. साधारणपणे ७ ते १३ ओळींची यंत्रे उपलब्ध असून ती ३० ते ४५ अश्वशक्तीच्या ट्रॅक्टरने सहज चालवता येतात. एका तासात सुमारे ०.४ ते ०.७५ हेक्टर क्षेत्राची पेरणी करता येते. मोठे क्षेत्र असलेल्या शेतकऱ्यांसाठी ट्रॅक्टरचलित पेरणी यंत्र उपयोगी ठरु शकते..ट्रॅक्टरचलित पेरणी यंत्राचे फायदेबियाणे योग्य प्रमाणात आणि समान अंतरावर पडते.बियाणे व खत एकाच वेळी टाकता येते.मजुरी, वेळ आणि इंधनाची बचत होते.बियाण्याचा अपव्यय कमी होतो.रोपांची उगवण एकसारखी होत असल्याने अपेक्षित रोपसंख्या राखता येते.खत योग्य ठिकाणी पडत असल्याने त्याचा अधिक परिणामकारक उपयोग होतो.वेळेत पेरणी झाल्यामुळे उत्पादन वाढण्यास मदत होते..Soybean BBF Sowing: सोयाबीनची बीबीएफवर लागवड फायदेशीर! काय आहे बीबीएफ?.वापरताना कोणती काळजी घ्यावी?पेरणीपूर्वी यंत्राचे कॅलिब्रेशन करून बियाणे आणि खताचा दर तपासणे आवश्यक आहे. बियाण्याच्या नळ्या, फणी आणि इतर भाग स्वच्छ आहेत का, याची खात्री करावी. शेत भुसभुशीत आणि समतल असल्यास यंत्र अधिक चांगल्या प्रकारे काम करते. पेरणी सुरू करण्यापूर्वी थोड्या क्षेत्रात चाचणी करून बियाणे योग्य खोलीवर पडते आहे का, हे तपासावे..पेरणी पूर्ण झाल्यानंतर यंत्रामध्ये उरलेले बियाणे आणि खत काढून टाकावे. खताची पेटी स्वच्छ करावी आणि फिरणाऱ्या भागांना वेळोवेळी ग्रीस किंवा तेल द्यावे. हंगाम संपल्यानंतर यंत्र कोरड्या आणि सावलीच्या ठिकाणी ठेवावे. योग्य देखभाल केल्यास यंत्राचे आयुष्य वाढते आणि पुढील हंगामातही ते वापरता येते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
