Nagpur News: रहिवासी एका गावाचे आणि शेती दुसऱ्या गावात! यामुळे योजनांचा लाभ मिळत नसल्याने नागपूर-अमरावती जिल्ह्याच्या सीमेवरील अनेक गावांतील शेतकऱ्यांमध्ये अस्वस्थता वाढली आहे. शासनाने या प्रकारची दखल घेत ही अडचण दूर करावी, अशी मागणी या भागातील शेतकऱ्यांची आहे. .नागपूर-अमरावती जिल्ह्यांच्या सीमारेषेवर वसलेली खैरगाव, देवळी, मदना, जलालखेडा, मुक्तापूर पेठ, महेंद्री, खरबडी, खेडी खुर्द, थडीपवनी आणि खारगड ही गावे वर्धा नदीच्या काठावर आहेत. या गावांतील शेतकऱ्यांची शेती नदीपलीकडे असलेल्या अमरावती जिल्ह्यातील वरुड तालुक्यात आहे. वास्तव्य एका जिल्ह्यात आणि शेती दुसऱ्यात, या विसंगतीमुळे शेतकऱ्यांना विविध शासकीय योजनांपासून वर्षानुवर्षे वंचित राहावे लागत आहे..Rural Marriage Problems: ग्रामीण भागातील लैंगिक कोंडमारा.विशेषतः मनरेगाअंतर्गत सिंचन विहीर, फळबाग, भूसुधारणा, शेततळे या महत्त्वाच्या योजनेचे लाभ त्यांना मिळत नाहीत, असे सांगण्यात आले. मनरेगा ही ग्रामीण भागातील अल्पभूधारकांसाठी अत्यंत उपयुक्त योजना मानली जाते. पण सीमावादाच्या कात्रीत अडकलेल्या या गावांतील शेतकऱ्यांचे प्रश्न वाढतच चालले आहेत. नागपूर जिल्हा प्रशासन या शेतजमिनी ‘आमच्या अधिकारक्षेत्राबाहेर’ असल्याचे सांगते, तर अमरावती जिल्हा प्रशासन ‘शेतकरी आमच्या जिल्ह्यातील रहिवासी नाहीत’, अशी भूमिका घेतात. परिणामी या गुंतागुंतीच्या प्रश्नावर राज्य सरकारने लवकरात लवकर स्पष्ट धोरण आखून सीमावर्ती भागातील शेतकऱ्यांना न्याय द्यावा, अशी मागणी होत आहे..सिंचन सुविधेअभावी कोरडी पडणार पिकेया भागातील बहुसंख्य शेतकरी अल्पभूधारक आहेत. सिंचन विहिरीचे स्वखर्चाने काम करणे त्यांच्यासाठी अवघड आहे. मनरेगातून विहिरीचा पर्याय उपलब्ध झाल्यास त्यांच्यासाठी सोयीचे होणार आहे..Farmer Problems: शेतकऱ्यांच्या उत्पादन खर्च-उत्पन्नाचे गणित जुळता जुळेना.मग आम्ही कोणाकडे जावे?आम्ही वर्षानुवर्षे हीच परिस्थिती सोसत आहोत. रोजगार हमी योजनेअंतर्गत सिंचन विहीर किंवा गोठा उभारणीकामी अर्ज केला, तरी अमरावती जिल्हा प्रशासन परवानगी देत नाही. नागपूर प्रशासन सांगते,जमीन आमच्या जिल्ह्यात नाही. मग आम्ही कोणाकडे जावे? असे शेतकऱ्यांचे प्रश्न अनुत्तरितच आहेत..विशेष समितीची मागणीया गंभीर समस्येवर स्थानिक ग्रामपंचायती आणि शेतकरी सातत्याने आवाज उठवत आहेत. दोन्ही जिल्ह्यांमध्ये एकत्रित विशेष समिती गठित करून समन्वय साधला जावा, अशी मागणी जोर धरत आहे. तज्ज्ञांच्या मते, राज्य सरकारने सीमावर्ती भागांतील अशा समस्यांसाठी विशेष धोरण तयार करणे अत्यावश्यक आहे. हजारो शेतकरी अशा अडचणीमुळे योजनांच्या लाभापासून वंचित आहेत..माझी शेती वरुड तालुक्यातील वंडली शिवारात आहे. मी अल्पभूधारक असल्याने सिंचन विहीर स्वखर्चाने करणे शक्य नाही. मनरेगातून विहीर मिळाली तर माझ्या उत्पन्नात मोठी वाढ होईल.- अंकुश पुंड, शेतकरी, थडीपवनी.मी थडीपवनीचा रहिवासी असून माझी वडिलोपार्जित शेती गावापासून फक्त एक किमी अंतरावर आहे. मात्र जिल्ह्यांची सीमा आडवी येत असल्याने मी मनरेगाच्या लाभापासून वंचित आहे.- भारत सोनुले, शेतकरी, थडीपवनी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
