Latur News : मधमाशीपालन हा शेतीपूरक व्यवसाय म्हणून आता मोठ्या प्रमाणात महाराष्ट्रामध्ये रुजत आहे. हा व्यवसाय कमी भांडवलावर सुरू करता येऊ शकतो. त्यासाठी योग्य प्रशिक्षण ही काळाची गरज आहे..मधमाशीपालन हे एक स्वयंरोजगार निर्मिती आणि बेरोजगारांना सक्षम करणारे तसेच निसर्गामध्ये जैवविविधता टिकवून ठेवणारे एक सशक्त माध्यम आहे. मधमाशीपालनात करिअरच्या मोठ्या संख्येने संधी विद्यार्थ्यांना आहेत, अशी माहिती मधमाशी पालनातील उद्योजक दिनकर पाटील यांनी दिली..Beekeeping Business: मधमाशीपालनात राखले १४ वर्षांपासून सातत्य .दयानंद विज्ञान महाविद्यालयात मंगळवारी (ता. २६) नवोपक्रम व नव उद्योजकता विषयावरील कार्यशाळेत ते बोलत होते. प्राचार्य डॉ. सिद्धेश्वर बेल्लाळे अध्यक्षस्थानी होते. डॉ. रवी सोळुंके, डॉ. सूरज कोल्हे, डॉ. श्रेयस माहूरकर, डॉ. रत्ना कीर्तने, डॉ. अमोल ठोसर व प्रा. शिलेश गावित यांची प्रमुख उपस्थिती होती. .मधासोबत बी व्यॉक्स, पोलन्स, रॉयल जेली, मधमाशीचे विष या विषय़ाव शास्त्रीय अभ्यास चालू आहे. मधाचा शरीरासाठी आणि अनेक व्याधीसाठी प्राचीन काळापासून वापर होत आहे. आधुनिक तंत्रामुळे मधमाशीचे विष, रॉयल जेली, पोलन ग्रेन्सचा वापर अनेक रोगासाठी होतो आहे. पोषक तत्त्वांची कमतरता तसेच उत्तम आरोग्यासाठी कुठलाही दुष्परिणाम नसलेले मधमाशी निर्मित उत्पादन आहे. .Beekeeping Business : तरुण उद्योजक मित्रांची अमृत मध निर्मिती.मधमाश्यांच्या जाती व त्यासाठी लागणारे मनुष्यबळ, मध आणि इतर मधांची उत्पादने यांची बाजारपेठ व त्यात असलेल्या अनेक संधी उपलब्ध आहेत. मधमाश्या व्यतिरिक्त अन्य उत्पादनांना बाजारात खूप किंमत आहे. मधमाश्या शेतकऱ्यांसाठी व निसर्गासाठी अत्यंत उपयुक्त कार्य करतात..नोकरीच्या मागे न लागता विद्यार्थ्यांनी मधमाशीपालन उद्योगांमध्ये करिअर करावे, असे आवाहन श्री. पाटील यांनी केले. पारंपरिक शेतीसोबतच युवकांनी मधमाशी पालनसारख्या शेतीपूरक व्यवसायाकडे वळण्याची गरज डॉ. बेल्लाळे यांनी व्यक्त केली.या वेळी प्राध्यापक व विद्यार्थी मोठ्या संख्येने उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
