Beed News: किमान आधारभूत दरापेक्षा कमी दर देणाऱ्याच्या परवान्यांचे नूतनीकरण स्थगित करा, अशी मागणी क्रांतिकारी शेतकरी संघटनेचे जिल्हाध्यक्ष कुलदीप करपे यांनी केली आहे. यासंदर्भात जिल्हाधिकारी, जिल्हा उपनिबंधक, जिल्हा मार्केटिंग अधिकारी यांच्याकडे मंगळवारी (ता. १०) निवेदन देण्यात आले आहे. .निवेदनात म्हटले, की २०२५ च्या खरीप, रब्बी हंगामातील सोयाबीन, कापूस, तूर, उडीद, मूग, बाजरी, गहू, ज्वारी आदी प्रकारच्या सुमारे ५ लाख क्विंटल शेतमालाची १००० ते २५०० रुपये कमी दरांत खरेदी बीड जिल्ह्यातील सर्वच कृषी उत्पन्न बाजार समित्यांच्या आवारात करण्यात आली..MSP Sales issues: बाजारभावामुळे हमीभावाचा प्रतिसाद थंडावला.जिल्हा उपनिबंधक, मार्केटिंग कमिटीचे सचिव, कृषी पणन मंडळाचे जिल्हा मार्केटिंग अधिकारी, शेतकरी संघटना प्रतिनिधी यांच्यात १९ नोव्हेंबर २०२५ रोजी संयुक्त आढावा बैठक घेण्यात आली होती. बैठकीत कलम ३२ (ड ) प्रमाणे किमान आधारभूत किंमत न देणाऱ्या कृषी उत्पन्न बाजार समितीच्या यार्डातील खरेदीदाराविरुद्ध कार्यवाही करण्याचे ठराव मंजूर केले होते. .Tur MSP Procurement: नाफेडच्या केंद्रावरच होणार तुरीची खरेदी.मात्र मार्केट कमिटीच्या सचिवांनी जाणीवपूर्वक कोणावरही कार्यवाही केली नाही. सुमारे ५ लाख प्रति क्विंटल शेतीमालाला १००० ते २५०० रुपयापर्यंत कमी दर देणाऱ्या खरेदीदाराविरुद्ध शेतकऱ्यांना विनाविलंब तत्काळ नुकसान भरपाई देण्याची जबाबदारी निश्चित करावी, .तसेच २०२६ साठी मार्केट कमिटीकडे शेतीमाल खरेदी-विक्री परवान्यांचे नूतनीकरणासाठी येणारे प्रस्ताव स्थगित करावेत, अशी मागणी क्रांतिकारी शेतकरी संघटनेचे जिल्हाध्यक्ष कुलदीप करपे, शेकापचे जिल्हा संघटक धनंजय मुळे, शेतकरी नेते राजेंद्र वीर, क्रांतिकारी शेतकरी संघटनेचे बीड शहराध्यक्ष श्रीकृष्ण कोलंगडे, महिला आघाडीच्या नयना भाकरे यांनी जिल्हाधिकारी, जिल्हा उपनिबंधक, जिल्हा मार्केटिंग अधिकारी, कृषी पणन मंडळ यांना केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
