Massajog Sarpanch Election Result: बीड जिल्ह्यातील मस्साजोग (ता. केज) गावच्या सरपंचपदाच्या पोटनिवडणुकीत दिवंगत सरपंच संतोष देशमुख यांच्या पत्नी अश्विनी देशमुख यांचा पराभव झाला आहे. तर या निवडणुकीत स्वरुपानंद देशमुख यांनी ९२ मतांनी विजय मिळवला. संतोष देशमुख यांच्या हत्येच्या घटनेनंतर सरपंचपद रिक्त झाले होते. दीड वर्षांनंतर लागलेल्या या निवडणुकीसाठी २८ एप्रिल रोजी मतदान प्रक्रिया पार पडली होती. त्यासाठी ८४ टक्के मतदान झाले होते. .गेल्या निवडणुकीत संतोष देशमुख यांच्याविरोधात स्वरुपानंद देशमुख यांनी निवडणूक लढवली होती. त्यावेळी स्वरुपानंद देशमुख अवघ्या ९ मतांनी पराभूत झाले होते. आताची ही निवडणूक बिनविरोध व्हावी, अशी अपेक्षा देशमुख कुटुंबियांनी व्यक्त केली होती. पण स्वरुपानंद देशमुख यांनी त्यांचा उमेदवारी अर्ज माघारी न घेता तो कायम ठेवला. यामुळे या निडणुकीसाठी मतदान झाले. .Santosh Deshmukh Murder Case : खून घटनेचा प्रवास आठ ऑक्टोबरपासून सुरू ; अॅड. उज्ज्वल निकम यांचा ३२ मिनिटांचा युक्तिवाद.या निवडणुकीदरम्यान वैभवी देशमुख आणि तिचा भाऊ विराज देशमुख यांनी त्यांच्या आई अश्विनी देशमुख यांच्यासाठी प्रचार केला होता. संतोष देशमुख यांच्या कुटुंबाविषयी आम्हाला सहानुभूती आहे, पण त्यांना राजकारणात पाठिंबा नसेल, अशी भूमिका स्वरुपानंद देशमुख यांनी घेतली होती. कोणी, कितीही आरोप केले तरी हा माझ्या जनतेचा, स्वाभिमानाचा विजय असल्याची प्रतिक्रिया स्वरुपानंद देशमुख यांनी दिली आहे. .Santosh Deshmukh Murder Case: वाल्मीक कराडच संतोष देशमुख हत्येचा सूत्रधार: सीआयडी अहवालातील धक्कादायक खुलासे!.संतोष देशमुख यांची ९ डिसेंबर २०२४ रोजी निर्घृणपणे हत्या करण्यात आली होती. त्यानंतर लागलेल्या पोटनिवडणुकीत त्यांच्या पत्नी अश्विनी देशमुख उतरल्या होत्या. पण त्यांना पराभवाचा धक्का बसला आहे. देशमुख हत्या प्रकरणात वाल्मिक कराड हा मुख्य सूत्रधार आहे. तो आणि त्याचे साथीदार सध्या बीड जिल्हा कारागृहात आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
