Beed News: बीड जिल्ह्यातील माजलगाव येथे सोमवारपासून (ता. २४) बेमुदत चक्काजाम आंदोलन होणार आहे. आंदोलनाची तीव्रता दर्शविण्यासाठी रविवारी (ता. २३) जिल्ह्यातील अनेक गावांत टायर जाळून ऊस दराबाबत ऊस उत्पादकांनी आपला संताप व्यक्त केला. यामुळे ऊसदर आंदोलन आक्रमक वळणावर आले आहे..जिल्ह्यातील सुमारे १०० गावांतील ऊस उत्पादक शेतकऱ्यांनी टायर जाळून ऊस कारखानदारांना चक्काजाम आंदोलनात सामील असल्याबाबत इशारा दिल्याची माहिती किसान सभेचे अजय बुरांडे यांनी दिली..Sugarcane Price Demand: पस्तीसशेची पहिली उचल जाहीर करा; अन्यथा आंदोलन!.या वेळी रिकव्हरी चोरणाऱ्या आणि भाव न देणाऱ्या कारखानदारांविरोधात जोरदार घोषणा देण्यात आल्या. सोमवारच्या चक्काजाम आंदोलनात सर्व ऊस उत्पादक शेतकऱ्यांनी सहभागी व्हावे, असे आवाहन ऊस उत्पादक संघर्ष समितीकडून करण्यात आले आहे..Sugarcane Rate Protest: ऊसदर प्रश्नावर सोमवारी माजलगाव येथे ‘चक्काजाम’ .ऊस दराबाबत अखिल भारतीय किसान सभा, युवा शेतकरी संघर्ष समिती, स्वाभिमानी शेतकरी संघटना, शेतकरी संघटना, प्रहार अशा विविध चळवळीतील कार्यकर्त्यांसह मोठ्या संख्येने ऊस उत्पादक शेतकरी, ऊस तोडणी कामगार, मुकादम, वाहतूक ठेकेदार एकत्र झाले असून जिल्ह्यातील ऊसदर प्रश्न चिघळन्याची शक्यता नाकारता येत नाही..ऊस कारखानदारांशी चर्चा करून प्रश्न मार्गी लावण्याचा शेतकऱ्यांनी प्रयत्न केला होता मात्र त्याला प्रशासन आणि साखर कारखानदारांनी प्रतिसाद न देऊन ती संधी गमावली. तेव्हा आपल्या घामाच्या दामासाठी ऊस उत्पादक शेतकरी, ऊस तोड कामगार आणि शेतकरी पुत्र यांनी आक्रमक होत जिल्ह्यातील अनेक गावांत टायर जाळून प्रशासन आणि साखर कारखानदारांना इशारा दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
