Beed News: शेतात पिकलेल्या मालाला सोन्याचा भाव मिळेल, या आशेने शेतकरी रात्रंदिवस काबाडकष्ट करतो. हाताच्या फोडाप्रमाणे जपलेलं टोमॅटोचं पीक जेव्हा लालीने बहरलं, तेव्हा वाटलं होतं की दोन पैसे पदरात पडतील. मात्र, बाजारपेठेतील कोसळलेल्या दरांनी शेतकऱ्याच्या डोळ्यांत पाणी आणले. टोमॅटोची तोडणी करून ती बाजारात नेणेही आता खिशाला परवडत नसल्याने, गेवराई तालुक्यातील बाबुलतारा येथील उद्विग्न शेतकरी प्रसाद तौर यांनी आपल्या अर्धा एकर उभ्या टोमॅटोच्या पिकात चक्क जनावरे चरण्यासाठी सोडून दिली आहेत..खर्च लाखात, उत्पन्न हजारातही नाही!प्रसाद तौर यांनी अर्धा एकर क्षेत्रात नांगरणी, ठिबक सिंचन, रोपे, औषध फवारणी आणि बांबू-तार यासाठी तब्बल ४० हजार रुपयांची गुंतवणूक केली होती. वन्यप्राण्यांपासून वाचवण्यासाठी डोळ्यात तेल घालून राखण केली. पीक जोमात आले, पण बाजारात गेल्यावर भ्रमनिराशा झाली..Tomato Farming: टोमॅटो उत्पादनातून मिळाले आर्थिक स्थैर्य .घाऊक बाजारात टोमॅटोला अवघा ५ ते ८ रुपये प्रतिकिलो भाव मिळत आहे. एका क्रेटला बाजारात नेण्यासाठी तोडणी, हाताळणी आणि वाहतूक असा एकूण ६५ ते ७० रुपये खर्च येतो, तर प्रत्यक्षात क्रेटला ५० ते ८० रुपयेच मिळत आहेत..व्यथा अन् आर्जवशेतकरी प्रसाद तौर यांनी आपली व्यथा मांडताना सांगितले, की शेतीत हजारो रुपये गुंतवले, पण हातात काहीच पडत नाही. काय पिकवावं अन् कसं विकावं, अशी गत झाली. तोडणीचा खर्चही निघत नसल्याने अखेर पिकात जनावरे सोडली..बाजारपेठेची स्थितीयाबाबत अडते इब्राहिम बागवान म्हणाले, की बाजारपेठेत टोमॅटोची बेसुमार आवक झाल्याने भावात मोठी घट झाली. सध्या ५ ते ८ रुपये किलोने व्यवहार होत असल्याने शेतकऱ्यांसमोर मोठे संकट उभे राहिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
