Kolhapur News: कोगे (ता. करवीर) येथे कनेरी येथील मधु अमृत मधमाशी संवर्धन संस्थेच्या वतीने आग्या मधमाश्यांचे पोळे शास्त्रीय व नैसर्गिक पद्धतीने काढून मधमाशी बचाव जनजागृती कार्यक्रम झाला. या वेळी मधमाशी मित्र दयावान पाटील यांनी आग्या मधमाश्या न मारता शास्त्रीय नैसर्गिक पद्धतीने पोळे काढून दाखवले, यातून शुद्ध व सात्विक मध संकलनही करता आले. .कोगे येथील शिवाजी पाटील यांच्या उसाच्या शेतात झाडाला आग्या मधमाश्यांचे पोळे होते. यामुळे त्यांना ऊस तोडणी करताना अडचणी निर्माण झाल्या होत्या. पोळे काढण्यासाठी श्री. पाटील यांना बोलवण्यात आले होते. या वेळी श्री. पाटील म्हणाले, की सर्वत्र ऊस तोडणीचा हंगाम सुरू आहे, यामुळे उसात, झाडाला आग्या मधमाश्यांचे पोळे दिसून येतात. .Bee Conservation : शाश्वत पीक उत्पादकतेसाठी मधमाश्यांचे संवर्धन गरजेचे.भीतीपोटी शेतकरी पोळे पेटवीतात, यामुळे मधमाश्या मरून निसर्गाचा समतोल ढासळत आहे. परागीभवनाची साखळीमध्ये खंड पडत आहे. शेतकऱ्यांनी आग्या मधमाश्यांचे पोळे पेटवू नये आमच्याशी संपर्क साधावा, असे आवाहन त्यांनी केले..Bee keeping: शेतकऱ्यांनी गिरवले मधमाशीपालनाचे धडे.तानाजी मोरे म्हणाले, की मधमाश्या शेतकऱ्यांचा मित्र कीटक आहेत. निसर्गामध्ये मधमाश्या असणे गरजेचे आहे. मधमाश्यांमुळे परागीभवन होऊन मानवाला फुले, फळे मिळतात. निसर्गातील मधमाश्या नष्ट झाल्यास काही वर्षातच जीवसृष्टी नष्ट होईल, असे अल्बर्ट स्टाईन यांनी म्हटले आहे. .उसाच्या शेतात आग्या मधमाश्या पोळे असल्यास मधमाशी मित्र यांच्याशी संपर्क साधावा, असे आवाहन त्यांनी केले. या वेळी शिवाजी पाटील, शामराव पाटील, बाजीराव मांगोरे, आकाराम पाटील, उत्तम सुतार, अमर पाटील उपस्थित होते. या वेळी दोन शेतकऱ्यांच्या उसाच्या फडात पोळ्यातील मधमाश्यां न मारता नैसर्गिक पद्धतीने काढण्याचे प्रात्यक्षिक दाखविले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
