Agriculture Department Action: खरीप हंगाम तोंडावर आलेला असताना शेतकऱ्यांची फसवणूक करणाऱ्या मोठ्या बोगस बियाणे रॅकेटचा प्रकार अक्कलकोटनंतर आता पुन्हा बार्शीत उघडकीस आला आहे. बार्शी तालुका कृषी विभागाने धडक कारवाई करत तब्बल ७ लाख ५२ हजार रुपये किमतीचे बनावट उडीद बियाणे जप्त केले आहे. संशयित विक्रेत्याने एका नामांकित कंपनीच्या बियाण्याच्या बॅगेची हुबेहूब नक्कल करून ‘विश्वास’ या नावाखाली या बोगस बियाण्यांची विक्री सुरू केली होती. याप्रकरणी बार्शी शहर पोलिस ठाण्यात गुन्हा दाखल करण्यात आला आहे..बार्शी तालुका कृषी अधिकारी कार्यालयाला २६ मे रोजी दुपारी बोगस उडीद बियाणे विक्री होत असल्याची गोपनीय माहिती मिळाली होती. त्यानुसार कृषी विभागाच्या भरारी पथकाने बार्शीतील स्वराज कॉलनी परिसरातील एका गोदामावर तातडीने छापा टाकला. या छाप्यात रत्नाकर रघुनाथ कोले यांनी विक्रीसाठी आणलेल्या ‘निर्मल सीड्स प्रा. लि.’ कंपनीच्या एनयूएल-७ (विश्वास) या उडीद वाणाच्या बॅगची हुबेहूब बनावट नक्कल केल्याचे पथकाच्या निदर्शनास आले..Udid Seeds: अक्कलकोटमध्ये उडदाचे साडेआठ लाख रुपयांचे बोगस बियाणे जप्त.कृषी विभागाने केलेल्या या कारवाईत गोदामातून मोठ्या प्रमाणावर बियाण्यांचा साठा आढळून आला. घटनास्थळावरून २१६ बॅगा जप्त करण्यात आल्या. तर बाजारात आधीच विक्री झालेल्या १६८ बॅगाही शोधून जप्त करण्यात आल्या. अशा एकूण ५ किलो वजनाच्या ३८४ बॅगांची किंमत ७ लाख ५२ हजार रुपये इतकी आहे..Fake Fertilizers Seeds Issue: बोगस बियाणे, खत काळाबाजार प्रकरणांत थेट गुन्हे दाखल करा : विखे पाटील.जिल्हा अधीक्षक कृषी अधिकारी शुक्राचार्य भोसले, जिल्हा परिषदेचे कृषी विकास अधिकारी हरिदास हावळे यांच्या मार्गदर्शनाखाली या मोहिमेत तालुका कृषी अधिकारी संतोष कोयले, गुणवत्ता नियंत्रण अधिकारी अतुल जाधव, बाळू बागल, किशोर अंधारे, सहाय्यक कृषी अधिकारी गणेश पाटील, निर्मल कंपनीचे प्रतिनिधी सोमनाथ भीमशेट्टी तसेच बार्शी शहर पोलिस ठाण्याचे अधिकारी सहभागी होते..कृषी विभागाचे आवाहनसंबंधित बोगस बियाणे विक्रेत्याविरोधात बार्शी शहर पोलिस ठाण्यात गुन्हा दाखल करण्यात आला आहे. खरीप हंगामात कोणत्याही फसवणुकीला बळी न पडता शेतकऱ्यांनी केवळ अधिकृत आणि प्रमाणित विक्रेत्यांकडूनच बियाणे खरेदी करावे, असे आवाहन कृषी विभागाने केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
