Banana Farmers Face Weather Challenges: खरीप हंगामपूर्व काळात झालेल्या गारपीट, अतिवृष्टी आणि वादळी वाऱ्यांमुळे राज्यातील अनेक भागांमध्ये केळी पिकाचे नुकसान झाले आहे. या पार्श्वभूमीवर शेतकऱ्यांनी नुकसानग्रस्त बागांमध्ये तातडीने योग्य उपाययोजना कराव्यात, असे आवाहन बारामतीचे तालुका कृषी अधिकारी सचिन हाके यांनी केले आहे..कृषी विभागाच्या माहितीनुसार, वादळी वाऱ्यामुळे पडलेली किंवा कललेली केळीची झाडे २४ ते ४८ तासांच्या आत सरळ करून त्यांना बांबू किंवा मजबूत काठ्यांचा आधार द्यावा. वाढीच्या अवस्थेतील झाड पूर्णपणे तुटले असल्यास ते काढून टाकून खोडवा राखावा. घड धारणेच्या अवस्थेतील झाडांना विशेष काळजीपूर्वक आधार देत जखमी किंवा खराब फण्या काढून टाकाव्यात..Crop Damage Survey: खानदेशात वादळग्रस्त नुकसानीचे पंचनामे अद्याप सुरूच.अतिवृष्टीमुळे शेतात आणि मुळांभोवती पाणी साचल्यास मुळांना इजा होऊन झाडे सडण्याचा धोका वाढतो. त्यामुळे तातडीने निचऱ्याची व्यवस्था करणे आवश्यक आहे. मुळांच्या वाढीस चालना देण्यासाठी शिफारस केलेल्या रसायनांचा वापर उपयुक्त ठरू शकतो, असे कृषी विभागाने स्पष्ट केले आहे..Rain Crop Damage: वादळी वाऱ्यासह पावसाने दाणादाण.जखमी झाडांवर बुरशीजन्य रोगांचा प्रादुर्भाव होण्याची शक्यता लक्षात घेता कृषी विद्यापीठाच्या शास्त्रज्ञांच्या सल्ल्याने बुरशीनाशकांची फवारणी करावी. तसेच झाडांच्या जखमांमध्ये पाणी साचणार नाही याची काळजी घेणे आवश्यक आहे. नुकसानग्रस्त झाडांवर घाईघाईने रासायनिक खतांचा वापर टाळावा. झाडांची स्थिती सुधारल्यानंतरच खत व्यवस्थापन करावे. अतिवृष्टीमुळे नत्र आणि पालाशचे नुकसान झाल्याने पूरक खत व्यवस्थापन महत्त्वाचे ठरते. पाण्यात विद्राव्य खतांसह पोटॅशियम नायट्रेटची फवारणी केल्यास झाडांच्या पुनर्प्राप्तीस मदत होते..दरम्यान, शेतकऱ्यांनी पिकांच्या नुकसानीची नोंद संबंधित सहायक कृषी अधिकारी, ग्राम महसूल अधिकारी किंवा ग्राम विकास अधिकारी यांच्याकडे करावी. पीक विमा योजनेत सहभागी असलेल्या शेतकऱ्यांनी विहित मुदतीत विमा कंपनीकडे नुकसानीची माहिती सादर करण्याचे आवाहनही करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
