Pune News : गेल्या तीन महिन्यांपासून जिल्ह्यात चालू ऊस गळीत हंगाम वेगाने सुरू आहे. जिल्ह्यात सहकारी आणि खासगी असे एकूण १५ साखर कारखाने सध्या गाळप करत असून आतापर्यंत झालेल्या ऊस गाळपात बारामती अॅग्रो साखर कारखान्याने आघाडी घेतली आहे, अशी माहिती प्रादेशिक कार्यालयाच्या सूत्रांनी दिली..राज्यात ऊस गळीत हंगामाची अधिकृत सुरुवात १ नोव्हेंबरपासून झाली असली, तरी पुणे जिल्ह्यातील बहुतांश साखर कारखान्यांना गाळप सुरू करण्यास काहीसा विलंब झाला होता. मात्र त्यानंतर जिल्ह्यातील गाळपाचा वेग समाधानकारक राहिला असून, कारखान्यांनी मोठ्या प्रमाणात ऊस गाळपाचे नियोजन केले आहे..Sugar Sale Quota: फेब्रुवारीसाठी महाराष्ट्राला सर्वाधिक साखर विक्री कोटा.यंदाच्या गळीत हंगामात खासगी साखर कारखाने ऊस गाळपाच्या प्रमाणात आघाडीवर असल्याचे चित्र आहे. मात्र साखर उताऱ्यांच्या बाबतीत सहकारी साखर कारखाने सरस ठरत आहे. दरम्यान, जुलै महिन्यापासून शेतात पाणी साचून राहिल्याने उसाची अपेक्षित वाढ झाली नसून त्यामुळे उत्पादनात काही प्रमाणात घट झाल्याचेही जाणवते..पुणे जिल्ह्याच्या पूर्व व उत्तर भागात उसाचे मोठ्या प्रमाणावर उत्पादन घेतले जाते. गेल्या वर्षी वेळेवर झालेल्या पावसामुळे ऊस लागवड मोठ्या प्रमाणात झाली होती. त्यापैकी यंदा सुमारे दीड लाख हेक्टर क्षेत्रावरील ऊस गाळपासाठी उपलब्ध आहे. सध्या सुरू असलेल्या कारखान्यांमध्ये ९ सहकारी व ६ खासगी साखर कारखान्यांचा समावेश असून, या कारखान्यांची एकत्रित दैनंदिन गाळप क्षमता १ लाख २६ हजार टन इतकी आहे..Sugar Production: कोल्हापूर विभागात साखरेचे एक कोटी ८६ लाख क्विंटल उत्पादन.आतापर्यंत सुरू असलेल्या १५ साखर कारखान्यांनी एकूण १०२ लाख ४२ हजार ८६५ टन उसाचे गाळप केले असून, त्यातून ९७ लाख ३ हजार ३८३ क्विंटल साखरेचे उत्पादन झाले आहे. जिल्ह्याचा सरासरी साखर उतारा ९.४७ टक्के इतका आहे. बारामती अॅग्रो साखर कारखान्याने आतापर्यंत १६ लाख ८५ हजार ४७ टन उसाचे गाळप करून १४ लाख ३८ हजार ९४५ क्विंटल साखरेचे उत्पादन घेतले असून, हा कारखाना गाळपात आघाडीवर आहे. मात्र साखर उताऱ्यात श्री सोमेश्वर साखर कारखान्याने ११.५४ टक्के उताऱ्यासह प्रथम क्रमांकावर आहे..कारखानानिहाय ऊस गाळपाची स्थितीकारखाना ऊस गाळप साखर उत्पादनबारामती १६,८५,०४७ १४,३८,९४५व्यंकटेशकृपा ४,५५,१८५ ३,५९,८००दि माळेगाव ८,३०,४८० ९,२५,२००नीरा भीमा ५,०७,८३० ४,१०,०४०सोमेश्वर ८,७८,०२३ १०,०८,९००पराग अॅग्रो ४,३२,८८० ४,२३,५३३श्रीनाथ ४,२२,४६५ ३,०७,२६०.संत तुकाराम २,६२,७०५ २,६७,७७५विघ्नहर ७,०९,३१० ७,४२,२००छत्रपती ७,१२,७४७ ७,९७,०००साईप्रिया ६,३५,४२३ ६,४३,७५०अनुराज शुगर्स २८,४०० १९,२८०कर्मयोगी ४,४४,६१० ४,१२,२००भिमाशंकर ७,५५,८०० ७,७८,२००एकूण १०२,४२,८६५ ९७,०३,३८३.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
