Jalgaon News : खानदेशात रब्बी पीक कर्ज वितरण १० टक्केही झालेले नाही. सुमारे १२०० कोटी रुपये पीक कर्ज वितरित करायचे आहे. रब्बी हंगाम अधिकृतपणे ऑक्टोबरमध्ये सुरू झाला. यात ओल्या दुष्काळासंबंधीच्या सवलती, आदेश शासनाने लागू केलेल्या असतानादेखील बँकांची पीक कर्ज वसुली सुरूच असल्याच्या तक्रारी शेतकऱ्यांत आहेत. .राष्ट्रीयीकृत बँका मनमानी करीत आहेत. सुरवातीपासून या बँका पीक कर्ज वाटपात हात आखडता घेत आहेत. शेतकरी नव्या पीक कर्जाचे प्रस्ताव घेवून बँकेत जात आहेत. परंतु बँका शेतकऱ्यांना प्रतिसाद देत नाहीत..Crop Loan Recovery: बुडीत कर्जाच्या प्रमाणात वाढ, नूतनीकरणाचा दरही कमी.अनेक किंवा सुमारे ३५ हजार हजार शेतकरी जळगाव जिल्ह्यात थकबाकीदार आहेत. या शेतकऱ्यांकडून पीक कर्ज वसुलीचा तगादा बँका मार्च महिन्यापासून लावत आहेत. काही शेतकऱ्यांचे पीककर्ज दीड ते दोन वर्षे थकल्याने संबंधितांवर न्यायालयातही बँकांनी दावे दाखल केले आहेत..पीककर्ज वितरण रखडतजळगाव जिल्ह्यात सुमारे ९०० कोटी, धुळ्यात १५० आणि नंदुरबारात ११० कोटी रुपये पीक कर्ज वितरण करायचे आहे. गेल्या वर्षीदेखील पीक कर्ज फक्त ६० टक्केच वितरित झाले होते. शासन किंवा प्रशासन पीक कर्ज वितरण लक्ष्यांक निश्चित करते, परंतु बँकांना पीक कर्ज निधीची व्यवस्था करावी लागते. .Crop Loan Distribution: आंबेगावात ९४७६ शेतकऱ्यांना ६६.५१ कोटींचे पीककर्ज वाटप.जळगाव जिल्ह्यात सुमारे ५० कोटी रुपये पीककर्ज वितरण झाले आहे. धुळे व नंदुरबारातही प्रत्येकी २० कोटींवर पीक कर्ज वितरण झाले आहे. राष्ट्रीयीकृत बँकांचे पीक कर्ज वितरण ऑक्टोबरच्या महिन्यातच सुरू झाल्याची माहिती मिळाली. .यातच जशी वसुली होईल, तसे पीक कर्ज वितरण राष्ट्रीयीकृत बँका करतील. वसुली सुरू आहे. वसुलीनंतर लागलीच पीक कर्ज नूतनीकरण केले जाते. पण जे शेतकरी पीक कर्ज भरू शकत नाहीत, त्यांना बँका नोटिसा देणे, तोंडी सूचना देवून पीक कर्ज मागत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
