Nashik News: नाशिक जिल्ह्यात अतिवृष्टीमुळे शेतकऱ्यांच्या पिकांचे अतोनात नुकसान झाले आहे. त्यामुळे ज्या शेतकऱ्यांना बँकांनी कर्ज पुरवठा केला आहे. त्या कर्जाचे पुनर्गठन करून शेतकऱ्यांना सर्वतोपरी साहाय्य करण्याच्या सूचना जिल्हाधिकारी आयुष प्रसाद यांनी बैठकीत दिल्या..जिल्हाधिकारी कार्यालयातील मध्यवर्ती सभागृहात आयोजित जिल्हा बँक सल्लागार समिती बैठकीत ते बोलत होते. यावेळी जिल्हा पशुसंवर्धन उपायुक्त डॉ. प्रशांत धर्माधिकारी, रिझर्व बँक ऑफ इंडियाचे जिल्हा प्रमुख अधिकारी राजेंद्र कलशेट्टी, बँक ऑफ महाराष्ट्रचे जिल्हा व्यवस्थापक बी. बी. बेहरा, जिल्हा अधीक्षक कृषी अधिकारी रवींद्र माने, अग्रणी बँकचे व्यवस्थापक भिवा लवटे, उद्योजकता विभागाचे व्यवस्थापक श्री. साखरे यांच्यासह जिल्ह्यातील बँकांचे प्रतिनिधी, महामंडळांचे प्रतिनिधी, अधिकारी उपस्थित होते. तर जिल्हा परिषदेचे मुख्य कार्यकारी अधिकारी ओमकार पवार, जिल्हा ग्रामीण विकास यंत्रणेच्या प्रकल्प संचालक प्रतिभा संगमनेरे दुरदष्यप्रणालीद्वारे सहभागी झाले होते. .Farmer Relief: अवैध सावकारांनी बळकावलेली ३९.१२ हेक्टर जमीन केली परत.जिल्हाधिकारी श्री. प्रसाद म्हणाले,बाधित शेतकऱ्यांच्या कर्जाचे पुनर्गठन करतांना रिझर्व बँक ऑफ इंडिया व अंतर्गत बँकेचे निकष तपासावेत.शासनाच्या विविध योजना, स्वयंरोजगार व गट-समुहांसाठी राबविल्या जाणाऱ्या योजनांची प्रभावी अंमलबजावणी होण्यासाठी तालुक्यातील प्रत्येक गावात सर्व बँकांनी शासकीय यंत्रणांच्या सहभागातून विशेष शिबिरे आयोजित करावी. ज्यामुळे थेट संपर्कातून नागरिकांनाही योजनांची माहिती मिळून जास्त परिणामकता साधता येईल. .Farmer Relief: नुकसानग्रस्त शेतकऱ्यांना ३५० कोटींची मदत.यासह नाशिक व मालेगाव शहरातही पीएम स्वनिधी योजनेचे शिबिरे आयोजित करावेत. ग्रामीण स्वयंरोजगार प्रशिक्षण संस्थेच्या माध्यमातून युवकांना रोजगाराभिमुख प्रशिक्षणाचे आयोजन करावे. सुकन्या समृद्धी योजना ही शासनाची महत्वाकांक्षी योजना असून या योजनेची ग्रामीण भागातील जास्तीत जास्त शाळांमधून प्रभावी अंमलबजावणी करण्याच्या सूचना त्यांनी दिल्या. अग्रणी बँकचे श्री. लवटे यांनी जिल्ह्यातील विविध बँकमार्फत शासनाच्या योजनांसाठी केलेल्या पत पुरवठा आराखड्याचे सादरीकरण यावेळी केले. .बँकांच्या कामगिरीचा सविस्तर आढावा बैठकीत जिल्हाधिकारी श्री. प्रसाद यांनी ३० सप्टेंबर २०२५ पर्यंतच्या जिल्हा पत आराखडा अंमलबजावणीचा आढावा घेतला. तसेच प्राधान्य क्षेत्रांना दिल्या जाणाऱ्या कर्जवाटपाची स्थिती, पीककर्ज व किसान क्रेडिटकार्डसंदर्भातील बाबी आणि व्याज अनुदानाशी संबंधित मुद्द्यांवर चर्चा झाली. यासोबतच प्रधानमंत्री रोजगार निर्मिती कार्यक्रम, प्रधानमंत्री सूक्ष्म अन्न प्रक्रिया उद्योग योजना, राष्ट्रीय नागरी उपजीविका अभियान, पीएम स्वनिधी योजना, मुख्यमंत्री रोजगार निर्मिती कार्यक्रम, महाराष्ट्र राज्य ग्रामीण जीवनोन्नती अभियान, आर्थिक समावेशन उपक्रम, स्वयं-सहायता गट बँक संलग्नता योजना तसेच भारत सरकारच्या विविध सूक्ष्म विमा, गुंतवणूक व सामाजिक सुरक्षा योजनांतर्गत बँकांच्या कामगिरीचा सविस्तर आढावा जिल्हाधिकारी श्री.प्रसाद यांनी घेतला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
