Tarique Rahman On Bangladesh Foreign Policy: बांगलादेशमधील संसदीय निवडणुकीत (Bangladesh Election Results 2026) दोन तृतीयांश जागा जिंकून बांगलादेश नॅशनलिस्ट पक्षाने (BNP) मोठा विजय मिळवला. यानंतर बीएनपीचे अध्यक्ष तारिक रहमान यांनी शनिवारी घेतलेल्या पहिल्या पत्रकार परिषदेत बांगलादेशसमोरील अनेक आव्हानांचा उल्लेख केला. देशाचे परराष्ट्र धोरण बांगलादेशमधील जनतेचे हित लक्षात घेऊन ठरवले जाईल, असे त्यांनी सांगितले. भारतासोबतच्या द्वीपक्षीय संबंधांबाबत विचारलेल्या प्रश्नाला उत्तर देताना रहमान यांनी त्यांची भूमिकाही स्पष्ट केली. ''देशातील जनतेचे हित सर्वोच्च असेल आणि आम्ही त्यांच्या हितांना प्राधान्य देत परराष्ट्र धोरण ठरवू," असे त्यांनी म्हटले. तारिक रहमान हे बांगलागदेशचे नवे पंतप्रधान असणार आहेत. .रहमान यांनी त्यांच्या पक्षाला मिळालेला मोठा विजय हा लोकशाहीसाठी बलिदान देणाऱ्यांना समर्पित केला. देशातील स्वातंत्र्यप्रेमी लोकशाहीचे समर्थन करणाऱ्या लोकांनी पुन्हा एकदा बांगलादेश नॅशनलिस्ट पार्टीला मोठा विजय मिळवून दिला आहे, असे त्यांनी नमूद केले. बांगलादेशात कोणत्याही प्रकारच्या बेकायदेशीर कारवाया खपवून घेतल्या जाणार नाहीत, असा इशाराही त्यांनी दिला..त्यांनी राजकीय पक्षांना मतभेद असतानाही देशासाठी एकत्र काम करण्याचे आवाहन केले. "आपला मार्ग आणि मते भिन्न असू शकतात, परंतु देशहितासाठी आपण एकजूट रहायला हवे," असेही रहमान म्हणाले..Bangladesh Election Results: बांगलादेशात २० वर्षांनंतर 'बीएनपी'ला सत्ता, तारिक रहमान होणार पंतप्रधान.निवडणूक आयोगाच्या माहितीनुसार, बीएनपीच्या नेतृत्वाखालील आघाडीने २१२ जागा जिंकल्या. तर जमात-ए-इस्लामीच्या नेतृत्वाखालील आघाडीला ७७ जागा मिळाल्या. बांगलादेशच्या माजी पंतप्रधान शेख हसीना यांच्या अवामी लीगला निवडणूक लढवण्यास बंदी घालण्यात आली आहे..India Bangladesh Trade: बांगलादेश भारतातून ५० हजार टन तांदूळ खरेदी करणार.ब्रिटनमध्ये १७ वर्षे राहिल्यानंतर ६० वर्षीय रहमान डिसेंबरमध्ये बांगलादेशमध्ये परतले होते. ते माजी राष्ट्रपती झियाउर रहमान आणि माजी पंतप्रधान खालिदा झिया यांचे पुत्र आहेत. शेख हसीना सत्तेत असताना भारत आणि बांगलादेशमध्ये द्वीपक्षीय संबंध मजबूत होते. पण त्यांना पदावरून हटवल्यानंतर दोन्ही देशांमधील संबंध ताणले गेले. असे असतानाही रहमान यांनी त्यांच्या मागील काही वक्तव्यांमध्ये, भारतासोबतच्या संबंधांमध्ये परस्पर आदर आणि परस्पर समंजसपणावर भर दिला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
