Jalgaon News : केळीच्या कांदेबाग बहर हंगामासाठी शेतांत सध्या पूर्वमशागत, मशागतीची कामे सुरू आहेत. तसेच शेतकरी आपल्या जमिनीचे आरोग्य चांगले राहावे यासाठी शेतात शेणखताची भर करीत आहेत. काही भागात मध्यंतरी पाऊस झाल्याने ही कामे रखडत सुरू आहेत. .वाफसा नसल्याने ट्रॅक्टरने नांगरणी, रोटाव्हेटर किंवा शेत भुसभुशीत करता येत नसल्याची स्थिती आहे. दुसरीकडे शेणखताची वाहतूक सुरू आहे. ज्यांचे शेत मुख्य रस्ते, डांबरी रस्त्यांवर आहे, ते शेतकरी शेणखत आपल्या शेतात आणून त्याचा साठा करून घेत आहेत. शेत नांगरल्यानंतर शेणखत शेतात पसरविण्याचे नियोजन शेतकऱ्यांनी केले आहे..केळी रोपांसाठी कंपन्यांकडे मागणीकेळी रोपांची नोंदणी लागवडीसाठी मागील जानेवारी व फेब्रुवारी महिन्यात अनेकांनी केली होती. काही कंपन्यांनी आता रोपे देण्याची तयारी केली आहे. पण काही कंपन्यांनी रोपे ४० ते ४५ दिवस उशीराने देवू, असे पत्र दिले आहे. यामुळे लागवडीचे नियोजन काही शेतकऱ्यांनी स्थगित केले आहे. ४० दिवसानंतर लागवड करण्याचा निर्धार केला आहे..Banana Price: केळीची कमी दरात खरेदीप्रकरणी कारवाईच नाही.शेणखत दुरापास्तशेणखत आता दुरापास्त झाले आहे. त्याचे दरही वधारत आहेत. एक ट्रॉली शेणखत २६०० ते २८०० रुपयांना मिळत आहे. तेदेखील हवे तसे मिळत नाही. लांबच्या भागातून किंवा पशुपालनात अग्रेसर असलेल्या गावांतून शेणखत आणावे लागत आहे. केळी पट्ट्यात शेणखताची मागणी आहे..खानदेशात धुळ्यातील शिरपूर, नंदुरबारातील तळोदा, शहादा, जळगावातील चोपडा, यावल, जामनेर, रावेर, मुक्ताईनगर, जळगाव, पाचोरा, चाळीसगाव या भागात शेणखताची मागणी असून, पशुधनाची संख्या कमी असल्याने शेणखताची टंचाई सध्या आहे. अनेकांनी दिवाळीपूर्वी केळी लागवडीचे काम आटोपून घेण्याचे नियोजन केले आहे. शेणखताची भर केल्यानंतर शेत भुसभुशीत केले जात आहे. पण पावसाने हे काम रखडत सुरू आहे..Banana Farming: सातपुड्याच्या पायथ्याशी केळी बागा वाढल्या.गिरणा पट्ट्यात शेणखत उपलब्धशेणखत जळगाव जिल्ह्यातील पाचोरा, चाळीसगाव, धरणगाव, अमळनेर, पारोळा, भडगाव या भागात उपलब्ध आहे. धुळ्यातील साक्री, धुळे भागातही शेणखत विक्रीस उपलब्ध असून, शेतकरी या भागातून त्याची खरेदी करीत आहेत. .जमीन सुपीकतेसाठी धैंचा, ताग आदी हिरवळीच्या खतांचा प्रयोग केला असून, हे पीक जमिनीत गाडण्याचे कामही सुरू आहे. काळ्या कसदार जमिनीचा पोत सुधारावा यासाठी शेतकरी पांढरी, हलक्या क्षेत्रातील मातीची भर करून घेत आहेत. अनेक शेतकरी मूग, उडीद पिकावर केळी लागवड करणार आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
