Jalgaon News: खानदेशात केळी दरात मागील १५ ते १८ दिवसांत सतत सुधारणा झाली. पण, आता आवकेत वाढ सुरू झाल्याने कमाल दरातील वाढ थांबली असून, सध्या किमान ८५० व कमाल दर १४०० रुपये प्रति क्विंटलवर स्थिर आहेत. सरासरी दर १००० रुपये प्रतिक्विंटल असा मिळत आहे. .मध्य प्रदेशातील बऱ्हाणपुरातही कमाल दर मध्यंतरी १३०० रुपये प्रतिक्विंटलपर्यंत पोचले होते. पण तेथील कमाल दरही दोन दिवसांपासून वधारलेले नाहीत. सध्या किमान ७०० व कमाल १२०० व सरासरी १००० रुपये प्रतिक्विंटलचा दर केळीस लिलावात बाजार समितीत मिळत आहे..Banana Market: केळीच्या आवकेत खानदेशात मोठी घट.मागील वर्षी जानेवारी व फेब्रुवारीत केळी दरात वाढ झाली होती. दर १२०० ते १८०० रुपये प्रतिक्विंटल होते. परंतु, यंदा मात्र जानेवारीतही दर कमीच असून सध्या ते टिकून आहेत. मागील दोन आठवड्यांत कमाल दर १३०० रुपये प्रतिक्विंटलपेक्षा अधिकच राहिले आहेत. डिसेंबरमध्ये कमाल दर ११०० रुपये प्रतिक्विंटल होते. त्यात हळूहळू सुधारणा झाली..Banana Market: खानदेशात केळी आवकेत वाढ; दरात सुधारणेचा कल.परंतु, केळीची आवकही पुढे वाढण्याची शक्यता आहे. या आठवड्यात केळी आवकेत किंचित वाढ झाली आहे. खानदेशात सध्या प्रतिदिन २५ ते ३० ट्रक (एक ट्रकः १६ टन क्षमता) केळीची आवक होत आहे. दुसरीकडे दक्षिणेतून उत्तरेकडे केळीची आवक सुरू आहे. यामुळे दरवाढ फारशी दिसत नसल्याचे सांगितले जात आहे..काश्मिरात पाठवणुकीच्या केळीस चांगले दरपरदेश व काश्मीर येथे पाठवणुकीच्या केळीचे दर २००० रुपये प्रतिक्विंटलपेक्षा अधिक आहेत. तेथे नॉन चिलींग केळीची मागणी असते. उर्वरित भागात पाठवणुकीच्या केळीचे कमाल दर १४०० रुपये प्रतिक्विंटलपर्यंत आहेत. यावल, चोपडा, जळगाव, नंदुरबारमधील शहादा भागातील केळी काढणी सुरू आहे. धुळ्यातील शिरपूर भागात केळीची आवक होऊ लागली आहे. खानदेशातून ९० टक्के केळीची पाठवणूक उत्तर भारतात केली जात आहे. दिल्ली, हरियाणा येथील मॉल्समध्ये केळीची मागणी कायम आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
