Market Update: खानदेशात केळीदरांवर मागील सात ते आठ दिवसांपासून दबाव वाढत चालला आहे. तसेBanana Pricesच मागील काही दिवसांत आवकेतही वाढ झाली असून, हंगामी फळांची आवक वाढल्यामुळे केळी दरात सुधारणा दिसत नसल्याचे चित्र आहे. .दर्जेदार किंवा काश्मीर, उत्तरेकडील मॉल्समध्ये पाठवणुकीच्या केळीचे दर मागील महिन्याच्या पहिल्या पंधरवड्यात २२०० ते २४०० रुपये प्रति क्विंटल असे होते. त्यात मागील काही दिवसांत घसरण झाली. सध्या उत्तरेकडे व काश्मिरात पाठवणुकीच्या केळीचे दर प्रति क्विंटल १३०० ते १५५० रुपये प्रति क्विंटल असे आहेत. सध्या बाजारात द्राक्षे, चिकू, कलिंगड आदी फळांची रेलचेल आहे. परिणामी, केळीस उठाव कमी झाला आहे. यातच केळीची आवकही वाढली आहे..Banana Prices Drop: केळी दरात क्विंटलमागे ५०० रुपयांची घट.सध्या खानदेशात रोज १८५ ट्रक (एक ट्रक ः १६ टन क्षमता) केळीची आवक होत आहे. रावेर, यावल व मुक्ताईनगरात मिळून रोज १२५ ते १३० ट्रकपेक्षा अधिक केळी आवक होत आहे. धुळ्यातील शिरपूर, नंदुरबारमधील शहादा, तळोदा व अक्कलकुवा भागातही केळीची आवक चांगली आहे. जळगावातील चोपडा, जामनेर, जळगाव, पाचोरा-भडगाव भागांत केळीची आवक कमी आहे..Banana Prices: दर घसरल्याने केळी उत्पादक शेतकरी अडचणीत.कमी दर्जाच्या केळीचे दर ७०० ते ८०० रुपये प्रति क्विंटल असे आहेत. मध्यम दर्जाच्या केळीस १००० ते १२०० रुपये प्रति क्विंटलचा दर आहे. सध्या मध्य प्रदेश, गुजरातमधूनही केळीची पाठवणूक उत्तरेकडे सुरू आहे. यामुळे बाजारात केळीबाबत मोठी मागणी तयार होत नसल्याची स्थिती निर्माण झाली आहे. खानदेशातून सध्या उत्तरेसह राज्यातील मुंबई, ठाणे, कल्याण, नागपूर, तसेच छत्तीसगड, राजस्थानातही केळीची पाठवणूक सुरू आहे..मागणीत घटीची कारणे- हंगामी फळांच्या आवकेत वाढ- केळीच्या आवकेतही वाढ- मध्य प्रदेश, गुजरातमधूनही केळीची पाठवणूक.इथे केळीची आवक अधिकधुळे ः शिरपूरनंदुरबार ः शहादा, तळोदा, अक्कलकुवाइथे केळीची आवक कमी जळगाव ः चोपडा, जामनेर, पाचोरा-भडगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
