Jalgaon News : खानदेशात केळीची लागवड पावसामुळे रखडली आहे. केळीचे कंद काढणे, वाहतूक, केळी रोपांचा पुरवठा, लागवड बंद असून, पुढे लागवडीस विलंब होणार आहे. याचा फटका पिकाची वाढ व नियोजीत वेळेत काढणी यास बसणार आहे. .खानदेशात सध्या उशिराची मृग बहर किंवा अर्ली (आगाप) कांदेबाग केळीची लागवड वेगात सुरू आहे. ही लागवड जामनेर, जळगाव, पाचोरा, भडगाव, चाळीसगाव, चोपडा, धुळ्यातील शिरपूर भागात सुरू आहे. .परंतु पावसामुळे केळीचे कंद काढण्याचे काम अनेक भागात बंद आहे. यामुळे लागवड बंद आहे. अनेक कंद पुरवठादार गावांत जोरदार पाऊस झाल्याने कंदांची काढणी बंद केल्याचे संदेश खरेदीदारांना देत आहेत. पाऊस सुरू असल्याने केळी कंद लागवडीसाठी मजूरही येत नसल्याने केळी लागवडही बंद ठेवण्यात आली आहे..Banana Farming Tips: लागवडीनंतर केळीच्या बागेचे व्यवस्थापन.केळी पीक वाढतेयकापूस, ऊस, भाजीपाला पिके परवडत नाहीत. केळीला रोजगार हमी योजनेतून अनुदान मिळत असल्याने लागवड वाढली आहे. यामुळे उशिराची लागवडदेखील अनेक शेतकरी करीत आहेत. परंतु ही लागवड रखडल्याने पुढे हंगामास उशीर होईल. अनेक शेतकऱ्यांनी लागवडीसाठी सऱ्या पाडल्या आहेत. तसेच रोपांचा पुरवठा काही शेतकऱ्यांनी करून घेतला असून रोपे शेतात वातावरणाशी सुसंगत होण्यासाठी ठेवली आहेत. परंतु या पावसाने या रोपांचेही अंशतः नुकसान होईल, अशी भीती आहे..पाऊस थांबण्याची प्रतीक्षाकेळीची लागवड, कंद काढणे, कंदांचा पुरवठा, रोपाचा पुरवठा यासाठी निरभ्र, कोरडे वातावरण हवे आहे. परंतु पुढील काही दिवस पावसाची शक्यता व्यक्त करण्यात आली आहे. यामुळे पाऊस सुरूच राहिल्यास लागवड १० ते १२ दिवस उशिराने करावी लागेल..Banana Farming: केळी बागेत संतुलित अन्नद्रव्ये सिंचन व्यवस्थापनावर भर.याचाही फटका शेतकऱ्यांना बसेल, असे दिसत आहे. अनेक शेतकरी कंदांची विक्री करीत आहेत. हे कंद काढून क्षेत्र रिकामे करून त्यात अन्य पिके घेण्याचे नियोजन शेतकऱ्यांनी केले आहे. परंतु हे नियोजन कोलमडले आहे. कारण कंद काढून क्षेत्र रिकामे करण्यास आणखी विलंब होईल, अशी स्थिती आहे..अनेक जण टाळणार लागवडपुढील सात ते आठ दिवस पाऊस कायम राहिल्यास केळीची लागवड अनेक शेतकरी टाळतील. यामुळे केळीच्या कंदांनाही उठाव नसणार आहे. परिणामी केळी कंदांचे दर घसरतील, अशी स्थिती आहे. सध्या जामनेर, रावेर, मुक्ताईनगर, चोपडा तालुक्यात केळी लागवडीचे कंद मुबलक प्रमाणात उपलब्ध आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
