Jalgaon News: खानदेशात कांदेबाग केळी लागवड सुरूच आहे. यंदा लागवड घटण्याचे संकेत आहेत. केळी दरांवरील दबाव, पाऊस, मजूरटंचाई व नैसर्गिक समस्यांना तोंड देऊन शेतकरी ही लागवड करीत आहेत. .जळगाव जिल्ह्यात सुमारे १५ हजार हेक्टरवर कांदेबाग केळी लागवड पूर्ण झाली असून लागवड सुरू आहे. पुढे लागवड कमी होईल. यंदा खानदेशात सुमारे २० ते २२ हजार हेक्टरवर कांदेबाग बहरातील केळी बागांची लागवड होईल. ही लागवड सप्टेंबर अखेरीस किंवा ऑक्टोबरमध्ये सुरू झाली..Banana Plantation : आगाप कांदेबाग केळी लागवड सुरू होणार.काटेकोर नियोजनदीपोत्सव, सणासुदीचा काळ असतानाही लागवड झाली आहे. आता थंडी असतानाही शेतकरी ही लागवड करीत आहेत. लागवडीसाठी केळी रोपे व कंदांचाही उपयोग केला जात आहे. रोपांना क्रॉप कव्हर लावण्याची गरज नाही. कारण उष्णता नाही. थंडीमुळे सिंचनाचे काटेकोर नियोजन केले जात आहे..रोपांची मागणी घटलीकेळीला दर कमी आहेत. केळी दरांबाबत शासन, कुठली संस्था लक्ष द्यायला तयार नाही. शेतकरी तोट्यात असल्याने केळी लागवडीसाठी रोपांचा उपयोग लक्षणीय कमी झाला आहे. तसेच नवीन ड्रीपचा उपयोगही शेतकरी खर्च कमी करण्यासाठी टाळत आहेत. याचा परिणाम रोपे विक्री व ड्रीप व्यवसायावर झाल्याची माहिती मिळाली..Banana Cultivation: खानदेशात केळी लागवड वाढण्याचे संकेत.खानदेशात कांदेबाग बहरातील केळी लागवडीसाठी जळगावातील जामनेर, चोपडा, यावल, जळगाव, पाचोरा, भडगाव, नंदुरबारमधील तळोदा व अक्कलकुवा हा भाग अग्रेसर आहे. अन्य भागांतही कमी क्षेत्रात या कांदेबाग बहर केळीची लागवड केली जाते. यंदाची लागवड घटेल, असे दिसत आहे. अनेक भागांत पाणी आहे. परंतु वीज व्यवस्थित नसते. यामुळेदेखील कमी लागवड केली जात आहे..नंदुरबारमध्येही लागवडीस फटकानंदुरबारमधील तळोदा, अक्कलकुवा या तालुक्यांतही लागवड मागील तीन वर्षे सतत वाढली. पण यंदा लागवड कमी आहे. रावेर, मुक्ताईनगर भागातील लागवडही कमी होत आहे. केळी लागवडीसाठी कंद मुबलक आहेत. कंदांचे दरही लागवड घटत असल्याने कमी झाले आहेत. अनेकांनी दर्जेदार कंद लागवडीसाठी कुणी न घेतल्याने ते शेतातच गाडले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
