Akola News: अकोला जिल्ह्यात गेल्या काही दिवसांत पडलेल्या अतिथंडीचा फटका केळी पिकाला बसला असून, विशेषतः नवीन लागवड धोक्यात आली आहे. डिसेंबर महिन्यात अचानक वाढलेल्या थंडीमुळे अनेक ठिकाणी केळीच्या बागा करपल्या असून, रोपांची वाढ मोठ्या प्रमाणावर खुंटली आहे. परिणामी, शेतकऱ्यांच्या चिंतेत भर पडली आहे..यंदा या भागात सातत्याने थंडीने ठाण मांडले होते. थंडीच्या तडाख्यामुळे केळीच्या रोपांवर प्रतिकूल परिणाम दिसून आला आहे. अनेक बागांमध्ये नवीन पाने फुटणे थांबले असून उगवणारी पाने पांढऱ्या रंगाची निघत असल्याचे चित्र आहे. यामुळे झाडांची नैसर्गिक वाढ थांबली असून, भविष्यातील उत्पादनावरही त्याचा परिणाम होण्याची शक्यता शेतकऱ्यांकडून व्यक्त केली जात आहे. काही ठिकाणी परिस्थिती इतकी गंभीर झाली आहे, की नुकसानग्रस्त बागांवर रोटावेटर फिरविण्याच्या मनःस्थितीत शेतकरी पोहोचले आहेत..Banana Crop Management: आंबोड्यात केळी पीक व्यवस्थापन शेतीशाळेला शेतकऱ्यांचा प्रतिसाद.अकोला जिल्ह्यातील अकोट तालुक्यातील पणज परिसर हा केळी पिकाचे माहेरघर म्हणून ओळखला जातो. दरवर्षी या भागात लाखो केळी रोपांची लागवड केली जाते. यंदाच्या हंगामातही मोठ्या प्रमाणावर लागवड करण्यात आली होती. मात्र हंगामाच्या सुरुवातीलाच तीव्र थंडीमुळे या नवीन बागांना मोठा फटका बसला आहे..Agriculture Crisis: अनियमित विजेमुळे रब्बी पिके धोक्यात.विशेषतः नुकत्याच लागवड झालेल्या रोपांना हे अति थंड वातावरण मानवले नसल्याचे शेतकरी सांगत आहेत.थंडीमुळे मुळांची वाढ मंदावली असून झाडांची उंची वाढेनाशी झाली आहे. याचा थेट परिणाम उत्पादन खर्च आणि भविष्यातील उत्पन्नावर होणार असल्याने शेतकरी आर्थिक अडचणीत सापडण्याची भीती आहे. कृषी तज्ज्ञांनी योग्य सल्ला देण्याची गरज शेतकरी व्यक्त करीत आहेत..यंदा केळीची मोठ्या प्रमाणावर लागवड झाली. मध्यंतरी सलग थंडगार वातावरण राहिल्याने केळीच्या नवीन बागांना फटका बसला. रोपांची वाढ खुंटून नवीन पाने पांढरट निघत आहेत. याचा मोठा फटका शेतकऱ्याना बसला आहे.विकास देशमुख, केळी उत्पादक, पणज, ता. अकोट, जि. अकोला.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
