Jalgaon News : खानदेशात कांदेबाग केळी लागवड सुरू आहे. अतिपावसाने वाफसा नाहीसा झाला होता. पण मागील पाच ते सहा दिवसांपासून ऊन, वारा असल्याने वाफसा तयार झाला, आता लागवड सुरू आहे. यंदा सर्वच प्रकल्प १०० टक्के भरले असून, लागवडीत वाढ होईल, अशी अपेक्षा आहे. .सप्टेंबरमध्ये काही भागात केळी लागवड झाली. सप्टेंबर व ऑक्टोबरमध्ये कांदेबाग केळीची लागवड खानदेशात केली जाते. जळगाव जिल्ह्यात चोपडा, पाचोरा-भडगाव, जामनेर, जळगाव, धुळ्यातील शिरपूर या भागात कांदेबाग केळीची लागवड अधिक असते. मुक्ताईनगर, रावेर, यावल भागात अपवादानेच काही शेतकरी लागवड करतात. या केळी लागवडीसाठी कमाल शेतकरी केळीचे कंद उपयोगात आणतात.\.Banana Cultivation : मृग बहर केळी लागवड रखडली.कंदही मुबलकदर्जेदार केळीचे वाण किंवा कंद लागवडीवर शेतकऱ्यांचा भर असतो. त्यासाठी आंबेमोहोर, श्रीमंती, महालक्ष्मी, सातमासी व ग्रॅण्ड नैन या वाणांच्या कंदांना शेतकरी पसंती देतात. केळी कंद औरंगाबादमधील कन्नड, सोयगाव, जळगावमधील जामनेर, रावेर, यावल, नंदुरबारमधील शहादा, तळोदा, अक्कलकुवा या भागात मुबलक प्रमाणात उपलब्ध आहेत. .Banana Cultivation : कांदेबाग केळी लागवडीची तयारी.हलक्या, मध्यम जमिनीत काळ्या कसदार क्षेत्रातील कंद लागवडीला शेतकरी पसंती देतात. तर काळ्या कसदार जमिनीत हलक्या, मध्यम जमिनीत कंद लागवडीला पसंती दिली जाते.मध्यंतरी खानदेशात व लगत पाऊस सुरू होता. अनेक शेतकऱ्यांच्या केळी बागांमध्ये पाणी साचले. वाफसा नाहीसा झाला. पण आता कंद काढण्यासह लागवडीस गती आली आहे. यामुळे केळी बागांमधून कंद काढणे, त्यांची लागवड, वाहतूक ही कामेही सुरू आहेत..आंतरपीकाची तयारीजोरदार पावसामुळे जलसाठे मुबलक आहेत. यामुळे केळी लागवड काहीशी वाढणार आहे. कोरडे वातावरण सध्या असल्याने केळी लागवडीला गती आली आहे. अनेक शेतकऱ्यांनी रोपांचा पुरवठा करून घेतला आहे. रोपे लागवडदेखील सुरू आहे. काही भागात केळी लागवडीसाठी क्षेत्र तयार केले जात आहे. त्यात सऱ्या पाडून घेतल्या जात आहेत. अनेक जण केळीत आंतरपीक लागवडीसंबंधी तयारी करीत आहेत. त्यात कलिंगड, हरभरा पीक शेतकरी घेतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
