Washim News: केळीचे पीक काढणीला आले असताना दरात मोठी घसरण झाल्याने या भागातील उत्पादक शेतकरी चांगलेच अडचणीत आले आहेत.वाशीम जिल्हा हा सोयाबीन उत्पादनासाठी अग्रेसर मानला जातो. दिवसेंदिवस सोयाबीनचे उत्पादन घटत असल्याने व भावही मिळत नसल्याने शेतकरी पर्यायी पिके घेऊ लागले आहेत. .मंगरूळपीर तालुक्यातील तपोवन येथील शेतकरी सुधीर गावंडे यांनी पीक पद्धतीत बदल म्हणून दोन एकरात २५०० केळीच्या रोपांची लागवड केली होती. तज्ज्ञांचे मार्गदर्शन घेत पिकाच्या दर्जासाठी आवश्यक त्या प्रमाणात खर्चही केला..Wan River Bridge : केळी उत्पादक शेतकरी हतबल; बाजारपेठेशी संपर्क तुटल्याने लाखोंचे नुकसान.मागीलवर्षी केळीला बाजारात चांगली मागणी होती. त्यामुळे व्यापारीही केळी खरेदीसाठी उत्सुक होते. परंतु यावर्षी परिस्थिती बदलली आहे. त्यांनी यावर्षी खोडव्यासाठी एक लाख रुपये खर्च केला. आता केळी काढणीला आली असताना बाजारात दर कमालीचे घसरल्याने नुकसान झाले. व्यापारी केळी अत्यंत कमी दरात मागत आहेत. मागील वर्षी केळीला दहा रुपये प्रति किलो याप्रमाणे दर होता. यातून शेतकऱ्यांना काही प्रमाणात उत्पन्न मिळाले. .Banana Farmers Association : केळी उत्पादक संघाची राज्यस्तरीय, केळी परिषद मंगळवारी माढ्यात.परंतु यावर्षी केळीला बाजारपेठेत मागणी नसल्याने व्यापारीही दर पाडून मागत आहेत. यावर्षी केवळ दोन रुपये प्रति किलोप्रमाणे विकत असल्याने उत्पादक शेतकरी चांगलाच अडचणीत आला आहे. यातून लावलेला खर्चही निघणे अशक्य झाल्याची भावना केळी उत्पादक शेतकऱ्याकडून व्यक्त केली जात आहे..माल काढण्यास येऊनही व्यापारी घ्यावयास तयार नाही. दोन रुपये किलोप्रमाणे केळी द्यायला तयार असूनही व्यापारी न्यायला तयार नाही. स्वतः काढून विकला तर त्यामध्ये आपल्याला काहीच पैसे उरत नाहीत. मजुरी आणि गाडी भाड्याचा पैसाही निघत नसल्याने दोन एकरातील केळी तोडून टाकण्याचा निर्णय घेतला.- सुधीर गावंडे , केळी उत्पादक शेतकरी, तपोवन, ता. मंगरूळपीर जि.वाशीम.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
