Jalgaon News : ई पीक पाहणी केल्यानंतरच हवामानावर आधारित फळ पीकविमा योजनेतून केळी पिकास विमा संरक्षण घेण्याची अट आहे. परंतु सध्या ई पीक पाहणीत पीकपेरा नोंद होत नसल्याने अनेक केळी उत्पादक आपल्या केळी पिकासंबंधी विमा संरक्षण घेऊ शकणार नाहीत, अशी स्थिती आहे. .ई पीक पाहणीची अट शासनाने शेतकऱ्यांवर लादली आहे. खरिपातील पीकविमा योजनांसह पीक कर्जासाठी ई पीक पाहणी अनिवार्य आहे. यामुळे अनेक शेतकरी ई पीक पाहणी खरिपात करू लागले आहेत. खानदेशात अनेक शेतकरी खरिपात उडीद, मूग, सोयाबीन ही पिके घेतल्यानंतर त्यात केळीची लागवड सप्टेंबरच्या अखेरीस व ऑक्टोबरमध्ये करतात..Fruit Crop Insurance: वर्धा, नागपूर जिल्ह्यांसाठी फळपीक विमा योजनेला सुरुवात .या केळी पिकास विमा संरक्षण घेण्याचे अनेकांचे नियोजन आहे. कारण केळी पिकास उष्णता, थंडी, वादळ, गारपिटीचा मोठा फटका खानदेशात बसतो. परंतु उडीद, मूग, सोयाबीन घेतल्यानंतर केळी लागवड केलेले शेतकरी सध्या ई पीक पाहणीत केळीचा पिकेपेरा नोंदवू शकत नसल्याची स्थिती आहे. .कारण ई पीक पाहणी अॅपमध्ये पीकपेरा नोंदच सध्या होत नाही. दुसरीकडे ई पीक पाहणी केल्यानंतर केळी पिकासाठी विमा संरक्षण शेतकरी घेऊ शकतात, अशी अट आहे..Fruit Crop Insurance : सांगलीत ३४४ शेतकऱ्यांनी घेतला फळपीक विमा.केळी लागवड सुरूचखानदेशात सप्टेंबर अखेरीस व या महिन्याच्या मध्यापर्यंत सुमारे १९ ते २० हजार हेक्टरवर केळीची लागवड होईल. यंदा पाऊसमान चांगले आहे. यामुळे केळीची लागवडही वाढणार आहे. परंतु सप्टेंबर अखेरीस व या महिन्यात केळी लागवड करणारे अनेक शेतकरी अडचणीत आले आहेत. .या सर्व क्षेत्रातील केळीसाठी शेतकरी ई पीक पाहणी सुरू नसल्याने विमा संरक्षण घेऊ शकणार नसल्याची स्थिती आहे. यामुळे ई पीक पाहणी तातडीने सुरू करण्याची मागणी केळी उत्पादकांनी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
