Jalgaon News : जिल्ह्यासह लगत केळीची कमी दरात किंवा बाजार समितीने जाहीर केलेल्या दरांपेक्षा कमी दरात खरेदी केल्याचे प्रकार सुरू आहेत. यात अनेक शेतकऱ्यांना केळीची विक्री करून एक ते दीड महिना चुकारे किंवा पैसे मिळत नसल्याची स्थिती आहे. .उधारीने केळीची विक्री करावी लागत आहे. या बाबत शेतकऱ्यांच्या तक्रारी लक्षात घेऊन प्रशासनाने कारवाई करावी, अशी मागणी शेतकरी आहेत. जिल्ह्यात अनेक शेतकरी निर्यातक्षम केळीचे उत्पादन करतात. ज्या केळीची निर्यात परदेशीत व इतर भागात होत आहे, त्या शेतकऱ्यांना दर बऱ्यापैकी मिळत आहेत. .Banana Market : केळी खरेदीत काटतीची तक्रार कायम.परंतु कमी दर्जाची केळी व इतर केळी उत्पादकांना यावल, रावेर बाजार समिती जे दर जाहीर करते, त्यापेक्षा कमी दर मिळत आहेत. याबाबत नाराजी होती. रावेरसह जळगाव, चोपडा, जामनेर, पाचोरा, भडगाव, मुक्ताईनगर, धुळ्यातील शिरपूर आदी भागात कमी दरात केळी खरेदीचे प्रकार सुरू आहेत. .Banana Market : हिंगोली जिल्ह्यात केळीचे दर गडगडले.तसेच अन्य भागातही शेतकऱ्यांमध्ये तक्रारी आहेत. रावेर बाजार समिती केळीचे दर रोज जाहीर करते. परंतु या दरात केळीची खरेदी होत आहे की नाही या बाबत तपासणी, चौकशी कुठेही केली जात नाही. मध्यंतरी चोपडा, जळगाव बाजार समितीदेखील केळी दर जाहीर करीत होती. परंतु कमी दरात खरेदीचे प्रकार सुरूच आहेत..चुकारे महिनाभर मिळेनाउधारीने खरेदीचे प्रकार होऊन पुढे शेतकऱ्यांची फसवणूकदेखील होते. अनेक खरेदीदार महिनाभर चुकारे देत नाहीत. कमी चुकारे देतात. या प्रकाराला शेतकऱ्यांनी मागील महिन्यात व त्यापूर्वीदेखील तक्रारी केल्या आहेत. जिल्हा प्रशासनाने संबंधित बाजार समित्यांना कमी दरातील खरेदीचे प्रकार कुठे झाले, याची माहिती मागवून कारवाई करावी, अशी मागणी करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
