Jalgaon News: देशात निर्यातीच्या केळीची आवक आंध्र प्रदेशातून वाढली आहे. तेथून आखातासह इतर भागांत रोज २० ते २२ कंटेनर (एक कंटेनर ः २० टन क्षमता) केळीची पाठवणूक सुरू आहे. .तामिळनाडू भागातूनही रोज पाच ते सहा कंटेनर केळीची निर्यात होत आहे. दक्षिण भारतात निर्यातीच्या केळीचे दर सध्या प्रतिक्विंटल १६०० ते १७५० रुपये आहेत. राज्यातील सोलापूर व लगतच्या भागातून रोज १५ ते २० कंटेनर केळीची निर्यात परदेशात होत आहे..Banana Export: तामशीची केळी निघाली व्हिएतनामला.खानदेशात अद्यापही निर्यातीच्या केळीची आवक अत्यल्प आहे. कारण, थंडीत केळी बागा व्यवस्थित येत नसल्याने थंडीत काढणीवर येणाऱ्या बागांची लागवड खानदेशात टाळली जाते. सध्या खानदेशात रोज ४० ते ४५ ट्रक (एक ट्रकः १६ टन क्षमता) केळीची आवक होत आहे. पिलबाग किंवा खोडवा बागांमध्ये मुक्ताईनगर, रावेर, यावल, धुळ्यातील शिरपूर भागात आवक सुरू झाली आहे..Banana Export: केळीचे सुकले बाग!.जळगाव जिल्ह्यातील चोपडा, जामनेर, जळगाव भागातील उशिराच्या कांदेबाग केळीची काढणी १०० टक्के पूर्ण झाली आहे. पिलबाग केळीचे दर खानदेशात ५०० ते ७०० रुपये प्रतिक्विंटल आहेत. दर्जेदार केळीला किंवा ‘नॉन चिलिंग’ बागांमधील केळीचे दर खानदेशात १६०० ते १८०० रुपये प्रतिक्विंटल आहेत. कमी दर्जाच्या केळीचे दर ६००- ८०० ते १००० रुपये प्रतिक्विंटल आहेत..फेब्रुवारीअखेर निर्यातीला गती शक्ययंदा खानदेशात अधिक थंडी असून, यामुळे निर्यातक्षम केळीची आवक लांबणीवर पडणार आहे. कारण, थंडीत केळी पक्व होण्याची गती मंद होते. यामुळे खानदेशात जळगाव जिल्ह्यातील रावेर, यावल, मुक्ताईनगर, धुळ्यातील शिरपूर भागातून केळीची आवक फेब्रुवारीत सुरू होईल. या काळात निर्यातक्षम केळी अधिकची या भागात उपलब्ध होईल. याच काळात आखातातील निर्यातीसही गती येईल, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
