Jalgaon News: खानदेशात थंडीचे दिवस पुढे फारसे नसल्याचे लक्षात घेत केळी लागवड सुरू झाली आहे. यंदा फेब्रुवारी, मार्चमधील लागवड स्थिर राहील. लागवड सध्या सुरू असून, पुढे लागवडीस गती येईल, असे दिसत आहे. .यंदा खानदेशात सुमारे पाच ते १० हजार हेक्टरवर फेब्रुवारी, मार्चमध्ये केळी बागांची लागवड होईल. बाजारातील दर, कंद, रोपे उपलब्धता व अन्य बाबी लक्षात घेऊन शेतकरी आगाप लागवडी करीत आहेत. खानदेशातील तापमान सध्या कमी आहे. पुढे उष्णता काहीशी वाढणार असल्याने शेतकरी ही लागवड करीत आहेत. लागवडीसाठी केळी रोपे व कंदांचाही उपयोग केला जात आहे..Banana Cultivation: खानदेशात केळी लागवड बंदावस्थेत.रोपांना क्रॉप कव्हर लावण्याची गरज नाही. कारण उष्णता अधिक नाही. अशात रोहित्रांतील बिघाड, वीज बंद होणे आदी समस्याही तयार होत असून, यावर ट्रॅक्टरचलित जनित्राचा पर्यायही शेतकऱ्यांनी शोधला आहे. फेब्रुवारी, मार्चमधील केळी लागवडीसाठी जळगावातील जामनेर, चोपडा, यावल, जळगाव, पाचोरा, भडगाव, नंदुरबारमधील तळोदा व अक्कलकुवा हा भाग अग्रेसर आहे..Banana Cultivation: खतांचा समतोल वापर करून मिळवा केळीचे अधिक उत्पादन!.अन्य भागांतही कमी क्षेत्रात या कालावधीमधील केळीची लागवड केली जाते. यंदाची लागवडही स्थिर राहील. कारण शेतकरी कमी लागवडीत काटेकोर व्यवस्थापन करून अधिकाधिक उत्पादन घेण्याचा प्रयत्न करीत आहेत. अनेक भागांत पाणी उपलब्ध आहे..केळी लागवडीसाठी कंद मुबलक आहेत. तसेच अनेक कंपन्या रोपांचाही पुरवठा करीत आहेत. रोपांचे दर स्थिर आहेत. १८ ते २१ रुपये प्रति रोप, असे उतिसंवर्धित रोपांचे दर आहेत. मध्य प्रदेश, गुजरात व अन्य जिल्ह्यांतील कंपन्याही रोपांचा पुरवठा करीत आहेत. तसेच कंदांचे दरही दोन ते तीन रुपये प्रति कंद (मजुरीसह) आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
