Jalgaon News: खानदेशात यंदा कांदेबाग बहरातील उशिराची केळी लागवड बंद आहे. अर्ली केळी लागवड गेल्या महिन्यातच झाली आहे. यंदा केळी लागवड खानदेशात कमी होऊ शकते, अशी स्थिती आहे. .बाजारात मागील वर्षी डिसेंबर, जानेवारीत लागवड केलेल्या केळी बागांना दर अल्प मिळत आहे. शिवाय खर्चही अधिक आहे. पुढेदेखील अशीच स्थिती राहू शकते. अशी सावध भूमिका शेतकरी घेत आहेत. यामुळे केळी लागवडीवर या महिन्यात परिणाम झाला आहे..Banana Cultivation: दर्जेदार केळी कंद मुबलक; रोपांची मागणी घटली.केळी उत्पादकांना जबर फटकाकेळीचे दर यंदा साडेचार महिने सरासरी ३०० रुपये प्रति क्विंटल असे होते. जुलै ते नोव्हेंबर या कालावधीत केळी दरावर मोठा दबाव होता. या नोव्हेंबर व डिसेंबर महिन्यात काढणीवर आलेल्या केळीची लागवड मागील हंगामात डिसेंबर व जानेवारीत झाली होती. या केळीची मोठी वाताहत झाली. यामुळे या महिन्यांतील लागवडी करण्यास शेतकरी टाळत आहेत..या महिन्यात दरात सुधारणा सुरू झाली. पण दर हवे तसे नाहीत. ७००, ८०० ते १२०० रुपये प्रति क्विंटलचे दर आहेत. मागील हंगामात डिसेंबर, जानेवारीत केळीदर ९०० ते १४०० रुपये प्रति क्विंटल असे होते. पण यंदा दर अधिक कमी झाले. केळीला चांगला पर्याय म्हणून हरभरा, उसाची लागवड खानदेशात सुरू आहे. यामुळे केळी लागवड घटत आहे. शेतकऱ्यांनी मोठा खर्च केला. .Banana Rate: केळी दरात साडेचार महिन्यानंतर सुधारणा.कांदेबाग केळी व मृग बहर केळीचे उत्पादनही बऱ्यापैकी आले, पण तोटा झाला. जळगाव जिल्ह्यात मृग बहर केळीची काढणी मार्च अखेरीस सुरू झाली. तर कांदेबाग केळीची काढणी दसरा सणापासून सुरू झाली होती. नियमित लागवड नोव्हेंबरमध्ये झाली. जळगाव जिल्ह्यातील चोपडा, जळगाव, पाचोरा, जामनेर भागांत कांदेबाग केळीची लागवड केली जाते. तर मृग बहर केळीची लागवड जिल्ह्यातील रावेर, यावल, मुक्ताईनगर, जामनेर, नंदुरबारमधील तळोदा, शहादा भागांत केली जाते..केळी लागवडीसाठी मजुरांच्या टोळ्या यावल, चोपडा, जळगाव भागांत आहेत. पण सध्या या मजूरटोळ्यांना काम नसल्याने त्या प्रतीक्षेत आहेत. रोपांच्या किंवा उतिसंवर्धित केळी रोपांची मागणी कमी झाली आहे. केळी कंद मुबलक आहेत. पण लागवडीसाठी कुणी त्यांचा उपयोग करीत नसल्याने त्यांचे दर दीड ते दोन रुपये प्रतिकंद असे आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
