Jalgaon News : खानदेशात मृग बहर (जून व जुलैमध्ये लागवडीच्या बागा) केळी हंगामातील उशिराची केळी पीक लागवड सुरू आहे. परंतु दर्जेदार व हवे ते वाण किंवा कंद मिळत नसल्याने लागवड रखडत सुरू आहे. .अनेक शेतकरी एकाच कंपनीच्या उतिसंवर्धित केळी रोपांच्या काढणी पूर्ण झालेल्या बागेतील ग्रॅण्ड नैन वाणांच्या कंदांची शोधाशोध करीत आहेत. या कंदांचा तुटवडा दिसत आहे. जुनारी (काढणी ९७ ते ९८ टक्के पूर्ण झालेल्या बागा) आणि काढणी ९० टक्के पूर्ण झालेल्या पिलबाग किंवा खोडवा केळी पिकातून कंद आणावे लागत आहेत. .खोडवा व जुनारी केळी बागांमधील कंद हवे तसे अंकुरत नाहीत. तसेच काही कंपन्यांच्या उतिसंवर्धित केळी रोपांच्या बागांमधील कंदांच्या केळी बागेत हवे तसे उत्पादन येत नाही, असाही अनुभव शेतकऱ्यांना आहे. .Banana Plantation : उशिराची मृग बहर केळी लागवड सुरू.पुढे त्यांची निसवण, काढणी याबाबतही अडचणी असतात. यामुळे शेतकरी काढणी ६० ते ७० टक्के पूर्ण झालेल्या केळी बागांमधील कंद काढून त्यांची पुनर्लागवड करतात. परंतु कंदांचा तुटवडा असल्याने शेतकऱ्यांना कंदांसाठी इतर जिल्ह्यांतही जावे लागत आहे..मध्य प्रदेशातही पोचताहेत शेतकरीअनेक शेतकरी मध्य प्रदेशातील बडवाणी, बऱ्हाणपूर, छत्रपती संभाजीनगर, नंदुरबार, गुजरातमधील निझर किंवा तापी जिल्ह्यातूनही कंद आणत आहेत. उतिसंवर्धित रोपांची मागणीही आहे. परंतु रोपांचे दर १८ ते २१ रुपये प्रतिरोप, असे आहेत. अनेक शेतकरी खर्च कमी करण्यासाठी रोपांचा उपयोग टाळून कंदांना पसंती देतात..Banana Plantation : आगाप कांदेबाग केळी लागवड सुरू होणार.पारंपरिक वाण दुरापास्तयात खानदेशात कमाल शेतकरी किंवा केळी उत्पादक नव्याने लागवडीसाठी काढणी सुरू असलेल्या उतिसंवर्धित बागांमधील ग्रॅण्ड नैन वाणाच्या कंदांना पसंती देतात. तसेच काही शेतकरी सातमासी, आंबेमोहोर, श्रीमंती व इतर वाणांना पसंती देतात. पण खानदेशात विविध पारंपरिक वाणांचे कंदही दुरापास्त झाले आहेत. काढणी सुरू असलेल्या बागांतून शेतकरी कंद देण्यास नकार देत आहेत. यामुळे कंदांचा तुटवडा आहे..कंद दर स्थिरकंदांची विक्रीही आता मोठा व्यवसाय खानदेशात बनला आहे. पूर्वी शेतकरी आपल्या बागांमधील कंद मोफत द्यायचे, परंतु आता मोफत कंद अपवादानेच मिळतात. अनेक शेतकरी चार ते पाच रुपये दर (मजुरीसह) घेऊन कंद देत आहेत. तसेच गावोगावी कंद पुरवठादार, एजंटही कार्यरत आहेत. केळी लागवडीचा खर्च यंदा काहीसा वाढला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
