Nashik News : फूल उत्पादक शेतकऱ्यांना दिलासा देण्यासाठी सरकारने राज्यात प्लास्टिक व कृत्रिम फुलांवर बंदी घालण्यात येणार असल्याचा महत्त्वपूर्ण निर्णय पावसाळी अधिवेशनात घेतल्याने फूल उत्पादक शेतकऱ्यांमध्ये समाधान व्यक्त करण्यात आले होते, मात्र दीड महिना उलटूनही बंदी बाबतचा शासन अध्यादेश त्वरित निर्गमित करून अंमलबजावणी करण्याची मागणी फूल उत्पादक शेतकऱ्यांनी केली आहे..Plastic Flower Ban : प्लॅस्टिक फूल विक्रीवर शासनाने बंदी घालावी.दिंडोरी तालुक्यात वणी, धरमबर्डा, तिसगाव, सोनजांब, बोपेगाव, जानोरी, मोहाडी, जऊळके, दिंडोरी आदी परीसरातील शेतकरी मोठ्या प्रमाणात फुलशेती करीत असून तालुक्यातील फुलउत्पादक शेतकऱ्यांनी प्लॅस्टिक फूल माळांच्या बंदीसाठी जिल्हाधिकारी जलज शर्मा यांची भेट घेऊन निवेदन दिले होते. .Plastic Flower Ban : कृत्रिम फुलांवर बंदी आणून फुलशेतीला संरक्षण द्या.तालुक्यात मोठ्या प्रमाणात गुलाब, मोगरा, झेंडू फुलांची लागवड करण्यात येत आहे. पावसाळ्यानंतर शेतकरी मोठ्या प्रमाणात झेंडू लागवड करतात. अलीकडे विविध समारंभ, मंदिरे, मंगल कार्यालये, उत्सव आदी ठिकाणी प्लास्टिक फुलांचा वापर वाढल्यामुळे नैसर्गिक फुलांची मागणी घटली..सण, उत्सवात तसेच धार्मिक कार्यक्रमात प्लॅस्टिक फुलमाळांची सजावट यामुळे फुलमाळा व्यावसायिकांवर मोठा परिणाम झाला होता. प्लास्टिक बंदीमुळे फुलांचे तोरण, माळा, हार तयार करणारे कारागीर, फुलांचे स्टॉलधारक आणि माळकरींना पुन्हा रोजगाराच्या संधी उपलब्ध होतील. शासनाने त्वरित बंदीचा आदेश काढून अंमलबजावणी करावी.- दुर्गेश चितोडे, संचालक, सावता माळी फूल भांडार, वणी.गणेशोत्सव, नवरात्रोत्सव, दसरा दिवाळी यासह इतर सणांना फुलांना चांगला भावही मिळतो. मात्र, प्लॉस्टिकच्या फुलांमुळे विक्रीत घट व भावही कमी येत होता. फुलांवर बंदी आणल्यामुळे फुलांच्या मागणीत वाढ होण्याबरोबरच आम्हाला चांगला भाव देखील मिळण्याची अपेक्षा आहे.–संदीप कावळे, फूल उत्पादक शेतकरी, बोपेगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
