Beed News: शिरूर कासार तालुक्यात यंदाच्या खरीप हंगामात परतीच्या पावसाचा मोठा फटका बसल्याने अनेक पिकांचे मोठ्या प्रमाणावर नुकसान झाले. काही भागांत पिके आडवी पडली, तर काढणीच्या टप्प्यावर असलेली पिके पावसात भिजून वाया गेली. काही ठिकाणी तर संपूर्ण पीक हातचे गेले. या परिस्थितीमुळे खरीप हंगामातील उत्पादनात लक्षणीय घट झाली असून शेतकऱ्यांना आर्थिक फटका सहन करावा लागला..या पार्श्वभूमीवर तालुक्यातील सहा कृषी मंडळांतील शेतकऱ्यांनी नोव्हेंबर व डिसेंबर महिन्यातच खरीप पिके शेताबाहेर काढून रब्बी हंगामासाठी शेतीची तयारी सुरू केली. परतीच्या पावसामुळे जमिनीत पुरेसा ओलावा उपलब्ध झाला तसेच सिंचनाच्या पाण्याची खात्री निर्माण झाल्याने शेतकऱ्यांनी रब्बी पिकांकडे अधिक भर दिला. त्यानुसार १२ डिसेंबरपर्यंत तालुक्यात सुमारे १८ हजार हेक्टर क्षेत्रावर रब्बी पिकांची पेरणी पूर्ण झाली आहे..Rabi Season: रब्बी पिकांसह चांगल्या उत्पन्नाच्या अपेक्षांचा बहर.तालुक्यात यंदाच्या रब्बी हंगामातील पेरणीची स्थिती समाधानकारक मानली जात आहे. तालुक्याचे एकूण भौगोलिक क्षेत्र ६४ हजार ४१३ हेक्टर असून त्यापैकी ५४ हजार हेक्टर क्षेत्र पेरणीयोग्य आहे. यंदाच्या रब्बी हंगामात विविध पिकांखाली एकूण १८ हजार ३०३ हेक्टर क्षेत्र आले आहे. यामध्ये रब्बी ज्वारीचे क्षेत्र सर्वाधिक असून १० हजार ३४ हेक्टरवर ज्वारीची पेरणी करण्यात आली आहे. त्या खालोखाल हरभऱ्याची ४ हजार ४२९ हेक्टर, गव्हाची ३ हजार २९८ हेक्टर तर मक्याची ४८२ हेक्टर क्षेत्रावर लागवड नोंदवली आहे..Rabi Season: नळेगाव परिसरात रब्बीची पिके बहरली.यंदा तूर, जवस व करडई या पिकांची पेरणी जवळपास झालेली नाही. बाजारातील दर, उत्पादन खर्च आणि अपेक्षित उत्पादन यांचा विचार करता शेतकऱ्यांनी या पिकांकडे पाठ फिरविल्याचे दिसून येते. राजम्याची केवळ ६० हेक्टर क्षेत्रावरच लागवड झाल्याची नोंद आहे. मंडळनिहाय पेरणीचा आढावा घेतला असता रायमोहा, गोमावाडा आणि खालापुरी या मंडळांमध्ये रब्बी पेरणीचे प्रमाण तुलनेने अधिक असल्याचे स्पष्ट होते..परतीच्या पावसामुळे खरीप पीक हातचे गेले. नुकसान मोठे झाले, पण यंदा तलाव, विहिरी भरल्यामुळे रब्बी पेरणी करण्याची हिंमत आली. जमिनीत ओलावा चांगला आहे. रब्बी पिकातून काहीतरी हातात पडेल, अशी अपेक्षा आहे.- अविनाश खेंगरे, शेतकरी, जाटनांदूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
