Ahilyanagar News: शेतीत प्रत्येक शेतकऱ्याने नवीन तंत्रज्ञानाचा वापर करून उत्पादन वाढवावे लागणार आहे. उसाचे एकरी शंभर टन उत्पादन घेण्याचे उद्दिष्ट ठेवणे गरजेचे आहे, असे सहकार महर्षी भाऊसाहेब थोरात सहकारी साखर कारखान्याचे अध्यक्ष, माजी महसूलमंत्री बाळासाहेब थोरात यांनी व्यक्त केले..कारखान्याच्या ५८ व्या गळीत हंगामाचा प्रारंभ झाला. अध्यक्षस्थानी माजी आमदार डॉ. सुधीर तांबे हे होते कांचन थोरात, कारखान्याचे उपाध्यक्ष पांडुरंग पाटील घुले, दूध संघाचे अध्यक्ष रणजितसिंह देशमुख, डॉ. जयश्री थोरात, संपत डोंगरे, शंकर खेमनर, लक्ष्मण कुटे, रामहरी कातोरे, कार्यकारी संचालक जगन्नाथ घुगरकर, सेक्रेटरी किरण कानवडे यांच्यासह शेतकरी उपस्थित होते..Sugarcane Crushing Season: पाच जिल्ह्यांतून २६ कारखान्यांचा गाळपासाठी प्रस्ताव.श्री. थोरात म्हणाले, की मागील हंगामात ३२०० रुपये उच्चांकी भाव दिला. बोनस, वेळेत पगार यामुळे बाजारपेठ फुलली दिवाळी आनंदात गेली. थोरात कारखान्यावर सभासद व बाहेरील ऊस उत्पादकांचाही मोठा विश्वास असून आपला हेतू चांगला असल्याने चांगले काम होत आहे..या वर्षी ९ लाख टनांपेक्षा जास्त गाळप होणे अपेक्षित असून यावर्षी सर्वत्र चांगला पाऊस झाल्याने व निळवंडेचे पाणी आल्याने ऊस लागवड चांगली आहे. पुढच्या वर्षी १५ लाख टनापर्यंत गाळप होईल. जास्त गाळप झाले तर बगॅस जास्त निघतो. सर्व शेतकऱ्यांनी एकरी शंभर टन ऊस उत्पादन होईल यासाठी काम करावे..Sugarcane Crushing Season: आधी उसाचा दर जाहीर करा, मग कारखाने सुरू करा, अन्यथा वाहतूक रोखू, 'आंदोलन अंकुश'चा इशारा.चांगल्या ऊस उत्पादनाबरोबर शेतकऱ्यांनी शेतीसाठी कंपोस्ट खताचे वापर करावा. याचबरोबर कार्यक्षेत्रातील आणि कार्यक्षेत्रातील बाहेरून सुद्धा वेळेवर येईल यासाठी प्रोग्रॅम प्रमाणे काम करावे. परिपक्व ऊस आणावा. निळवंडे धरण व कालवे आपण पूर्ण केले. कालव्यांच्या वरच्या भागात पाणी देण्यासाठी आपण नियोजन केले होते आणि आपला तो शब्द होता..वरच्या भागातील नागरिकांनाही पाणी मिळाले पाहिजे हा आपला आग्रह आहे आणि ते शक्य असल्याचे सांगत १ जानेवारीपासून १० टक्के पगारवाढ देण्यात येणार आहे. प्रास्ताविक कार्यकारी संचालक जगन्नाथ घुगरकर यांनी केले. सूत्रसंचालन नामदेव कहांडळ यांनी केले. तर पांडुरंग पाटील घुले यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
