Jalgaon News: पेरणीच्या वेळेस थंड वातावरण असल्याने बाजरी पिकाच्या उगवणीवर परिणाम झाला. त्यानंतर जानेवारीत पाऊस अनेक भागात झाला. याचा फटका बाजरी पिकास बसला असून, पिकात तूट आहे. .विरळ पीक असल्याने हवे तसे उत्पादन येणार नाही. बाजरीचा पेरा डिसेंबरअखेरिस व जानेवारीतही झाला. जानेवारीच्या मध्यानंतरही पेरणी झाली. पण या कालावधीत थंडी अधिक होती. बाजरीची पेरणी खानदेशात स्थिर आहे. अनेक शेतकऱ्यांनी केळी पीक काढणीनंतर त्यात पेरणी केली. जळगाव जिल्ह्यात सुमारे तीन हजार हेक्टरवर झाली आहे. धुळे व नंदुरबारात मिळून सुमारे अडीच हजार हेक्टरवर बाजरी पीक आहे. .Bajara Production : पाच एकरांत १०० क्विंटल बाजरीचे उत्पादन.खानदेशात पाऊसमान चांगले होते. यामुळे पेरणी बऱ्यापैकी झाली आहे. जळगाव जिल्ह्यातील चोपडा, चाळीसगाव, भडगाव, पारोळा, अमळनेर, जामनेर या भागात बाजरी पीक आहे. धुळ्यातील शिरपूर, शिंदखेडा,साक्री व धुळे या सर्वच भागात कमी अधिक क्षेत्रात बाजरी पीक आहे. नंदुरबारातील नवापूर, नंदुरबार भागात बाजरीची पेरणी बऱ्यापैकी झाली आहे..Bajara Variety: बाजरीच्या जैवसंपृक्त दोन वाणांची अधिकृत नोंदणी.मागील महिन्यात थंडी होती. या काळातही बाजरीच्या उगवणीवर परिणाम झाला. तसेच या महिन्यातही काही दिवस सुरवातीला किमान तापमान सरासरी १३ अंश सेल्सीअस एवढे राहीले आहे. बाजरीच्या उगवणीसाठी कमाल ३५ व किमान १५ ते १६ अंश सेल्सीअस तापमान अनुकूल मानले जाते. .यामुळे पीक विरळ झाले असून, उत्पादन व चाराही कमी येईल, असे दिसत आहे. एक महिन्याच्या पिकात दोन वेळेस पाट पद्धतीने सिंचन झाले आहे. कमाल क्षेत्रातील बाजरी पिकास पाट पद्धतीने खानदेशात सिंचन केले जात आहे. तापी, गिरणा, अनेर पट्ट्यात केळी पिकातही बाजरीची पेरणी झाली आहे. केळी पिकातील बाजरीला ठिबकची सुविधा आहे. पिकात आंतरमशागत झाली आहे. तणनियंत्रणही अनेकांनी केले असून, त्यासाठी तणनाशकांचाही उपयोग झाला आहे. बाजरी कमी कालावधीचे पीक आहे. पण पीक अद्याप कमाल भागात निसवलेले नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
