Jalgaon News : खानदेशात बाजरीची पेरणी जुलैत पूर्ण झाली आहे. यंदा क्षेत्र स्थिर असून, पीक जोमात आहे. अनेकांनी तूर लागवड कमी करून बाजरीची पेरणी केली आहे. यामुळे बाजरीची पेरणी स्थिर राहीली. पीक सध्या जोमात असून, त्यात दोन वेळेस आंतरमशागतही झाली आहे. तसेच खतेही देण्यात आली आहेत. फवारणीची गरज बाजरी पिकात नाही. .कारण बाजरी पीक किडी, अमेरिकन लष्करी अळीच्या प्रकोपास बळी पडत नाही. अनेकांनी कमी कालावधीच्या बाजरी वाणांना पसंती दिली आहे. पेरणीनंतर जुलै व ऑगस्टच्या सुरवातीला कमी पाऊस असतानाही बाजरी पीक काळ्या कसदार जमिनीत तग धरून होते. आता पिकाला पावसाने दिलासा मिळाला व वाढ जोम धरत आहे. सुमारे दीड ते दोन फुटाचे पीक झाले आहे. .Bajari Sowing : खानदेशात बाजरीची पेरणी सुरू.खानदेशात सुमारे 11 हजार हेक्टरपर्यंत पेरणी झाली आहे. बाजरीची पेरणी खानदेशात फारशी कमी झाली नाही. पेरणीत वाढ अपेक्षित होती. पण यंदा सोयाबीन, मका पिकाकडेही अनेकांचा ओढा होता. यामुळे बाजरी पेरणीत वाढ झालेली नाही. काहींनी कापूस लागवड कमी करून बाजरी पेरली आहे. चारा व धान्यासाठी बाजरीची पेरणी करण्यास शेतकरी पसंती देतात..काळ्या कसदार जमिनीत बाजरी जोमात आहे. बाजरीचा चारा दुधाळ पशुधनाला सकस मानला जातो. यामुळे बाजरी पेरणीवर दूध उत्पादक व अन्य शेतकऱ्यांनी भर दिला आहे. बाजरी पेरणीस यंदा जून महिन्यात सुरवात झाली होती. बाजरी कमी खर्चाचे पीक असल्याने शेतकरी पेरणी करतात, असेही सांगण्यात आले..Bajari Market : बाजरीची आवक खानदेशात स्थिर.धैंचाप्रमाणे बाजरीची पेरणीकेळी पट्ट्यात केळी पिकाच्या बेवडसाठी बाजरी पेरणी करण्यात आली आहे. सप्टेंबर अखेरीस पीक जमिनीत गाडून त्यात थेट केळीची लागवड करण्याचे नियोजन शेतकरी करीत आहेत. धैंचा जसा जमिनीत गाडतात, तशीच बाजरीची जमिनीत गाडण्याचे नियोजन शेतकऱ्यांनी केले आहे. जळगाव जिल्ह्यात जळगाव, चोपडा, जामनेर, पाचोरा भागात बेवडसाठी बाजरीची पेरणी झाली आहे. तर रावेर, मुक्ताईनगर, यावल, धुळ्यातील शिरपूर, नंदुरबारातील शहादा, तळोदा भागातही बाजरी पीक आहे..जळगाव जिल्ह्यात पेरणी वाढलीबाजरीची सुमारे चार ते साडेचार हजार हेक्टरवर पेरणी जळगाव जिल्ह्यात व्हायची. पण अलीकडे ही पेरणी पाच हजार हेक्टरवर पोचली आहे. जळगाव जिल्ह्यात पाचोरा, भडगाव, पारोळा, अमळनेर, चाळीसगाव भागात अनेक दूध उत्पादकांनी आपल्या पशुधनास सकस चारा मिळावा, यासाठी बाजरी पेरणी केली आहे. अन्य भागात कमी पेरणी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
