Bajra price trend 2026: खानदेशात यंदा बाजरीची पेरणी सरासरीएवढी झाली. बाजारांत बाजरीची आवक सुरू झाली असून, दर यंदा मागील हंगामाच्या तुलनेत फारसे अधिक नसल्याचे चित्र आहे. आवकेस याच आठवड्यात वेग आला आहे..खानदेशातील प्रमुख बाजारांत बाजरीचे दर सध्या किमान २००० ते २१५० व सरासरी २००० रुपये प्रति क्विंटल असे आहेत. कुठेही दरपातळी २२०० रुपये प्रति क्विंटल किंवा यापेक्षा अधिक नाही. मागील हंगामात कमाल दर २६५० रुपये प्रति क्विंटलपर्यंत होते. यंदा पाऊसमान होते. यामुळे बाजरीची पेरणी झाली. शेतकऱ्यांनी कांदा, मका आदी पिकांखालील क्षेत्र कमी केले..Bajara Market : खानदेशात बाजरीची आवक वाढली.चारा आणि धान्यासाठी बाजरीची पेरणी केली. यामुळे बाजरीची पेरणी सुमारे सात हजार हेक्टरवर झाली. पेरणी अपेक्षेएवढी किंवा सरासरीएवढी झाली. खानदेशात तापी, अनेर, गिरणा पट्ट्यात अनेक शेतकरी बेवडसाठी बाजरीची पेरणी करतात. केळीची काढणी झाल्यानंतर अनेकांनी जानेवारीत बाजरीची पेरणी केली होती. यामुळे बाजरीच्या क्षेत्रात मोठी घट झाली नाही..Summer Bajra Cultivation: योग्य लागवड तंत्राने वाढेल उन्हाळी बाजरीचे उत्पादन!.धुळ्यात अधिकची आवकखानदेशात बाजरीसाठी धुळ्यातील दोंडाईचा (ता.शिंदखेडा), शिरपूर, धुळे, नंदुरबारातील नंदुरबार, शहादा, जळगाव जिल्ह्यात चाळीसगाव, चोपडा व अमळनेर या बाजार समित्या प्रसिद्ध आहेत. या सर्वच बाजारांत बाजरीची आवक सुरू आहे. खानदेशात सध्या प्रतिदिन ४०० क्विंटल बाजरीची आवक विविध बाजारांत होत आहे..सर्वाधिक आवक चोपडा, शिरपूर, चाळीसगाव भागात होत आहे. चोपडा येथे सोमवारी (ता. ६) बाजरीची सुमारे १५० क्विंटल आवक झाली. तेथे किमान २०००, कमाल २१५० व सरासरी २०१५ रुपये प्रति क्विंटलचा दर बाजरीस मिळाला. असेच दर चाळीसगाव, नंदुरबार व धुळे भागात आहेत. हे दर अपेक्षित नसल्याचे शेतकऱ्यांचे म्हणणे आहे. पुढे आवक आणखी वाढणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
