Conflict Update: होर्मूझ सामुद्रधुनीवरील इराणची पकड सैल करण्याच्या उद्देशाने अमेरिकेने शुक्रवारी (ता. १७) पहाटे इराणवरील हवाई हल्ल्यांची व्याप्ती आणखी वाढवली. अमेरिकन हवाई दलाने दक्षिण इराणमधील महत्त्वाचे पूल उद्ध्वस्त करत चाबहार बंदरालाही लक्ष्य केले. त्याला प्रत्युत्तर म्हणून इराणने कतार, बहरीन आणि कुवेतसह अमेरिकेच्या मित्रदेशांवर क्षेपणास्त्र हल्ले केले..गेल्या महिन्यात झालेली तात्पुरती युद्धबंदी पूर्णपणे कोलमडलेल्या अवस्थेत असून होर्मूझ सामुद्रधुनीवर नियंत्रण मिळविण्यासाठी अमेरिका आणि इराणमध्ये सलग हल्ले सुरू आहेत. इराणी अधिकाऱ्यांच्या म्हणण्यानुसार, अमेरिकेच्या हल्ल्यांत आतापर्यंत अनेक नागरिकांचा मृत्यू झाला असून, शेकडो जण जखमी झाले आहेत. अमेरिकेचे अध्यक्ष डोनाल्ड ट्रम्प यांनी टीव्हीवरील संदेशात इराणमधील कारवाई यशस्वी होत असल्याचा दावा केला. ‘‘इराणमध्ये आम्ही मोठे यश मिळवत आहोत. त्याचे परिणाम लवकरच दिसतील,’’ असे ते म्हणाले..Iran US Conflict: इराणवरील हल्ल्यांच्या व्याप्तीत अमेरिकेकडून वाढ .बंदर अब्बास लक्ष्यअमेरिकेच्या हल्ल्यांमध्ये होर्मूझगान प्रांतातील बंदर खामिर परिसरातील पूल उद्ध्वस्त करण्यात आले. या हल्ल्यांचा उद्देश इराणच्या प्रमुख बंदर अब्बासला देशाच्या मध्य भागाशी जोडणारे रस्ते आणि रेल्वे मार्ग विस्कळीत करणे असल्याचे मानले जात आहे. त्यामुळे लष्करी सामग्रीबरोबरच नागरी पुरवठ्यावरही परिणाम होण्याची शक्यता व्यक्त केली जात आहे. अमेरिकेच्या ‘सेंट्रल कमांड’ने शुक्रवारी पहाटेपर्यंत सुरू असलेल्या सलग सहाव्या दिवशीच्या कारवाईत डझनभर लक्ष्यांवर हल्ले केल्याचे सांगितले..US Iran Conflict: अमेरिकेचे इराणवर तीव्र हल्ले; इराणकडूनही आखाती देश लक्ष्य.कतारवर क्षेपणास्त्र माराअमेरिकेच्या कारवाईनंतर इराणने कतारवर क्षेपणास्त्रांचा मारा केला. कतार प्रशासनाने नागरिकांना सुरक्षित ठिकाणी आश्रय घेण्याचा इशारा दिला. कतारच्या संरक्षण यंत्रणांनी अनेक क्षेपणास्त्रे हवेतच नष्ट केली. याशिवाय इराणने बहरीन आणि कुवेतवरही हल्ले केले. जॉर्डनने आपल्या हवाई हद्दीत घुसणारी तीन इराणी क्षेपणास्त्रे पाडल्याचा दावा केला. इराकच्या कुर्दिस्तान भागातही स्फोटांचे आवाज ऐकू आले..होर्मूझवरून संघर्ष तीव्रइराणने या सामुद्रधुनीवरील नियंत्रणाचा वापर दबावासाठी केल्यानंतर अमेरिकेने इराणी बंदरांवरील नौदल नाकेबंदी पुन्हा लागू केली आहे. सागरी वाहतूक संस्थांनी दिलेल्या माहितीनुसार, या संघर्षामुळे सामुद्रधुनीतील मालवाहतूक लक्षणीयरीत्या घटली असून, अनेक जहाजांनी येथून प्रवास थांबविला आहे..चाबहार बंदरावरही हल्लाअमेरिकेच्या हवाई हल्ल्यात ओमानच्या आखातातील चाबहार बंदरावरील देखरेख मनोरा कोसळला. अफगाणिस्तानसाठी महत्त्वाचा व्यापारी मार्ग असलेल्या या बंदराचा विकास भारताच्या सहकार्याने करण्यात आला आहे. इराणच्या सरकारी माध्यमांनी बंदरावर तिसऱ्यांदा हल्ला झाल्याची पुष्टी केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
