Prakash Abitkar On Ayushman Bharat Yojana: राज्यात आयुष्यमान भारत पंतप्रधान जन आरोग्य व महात्मा ज्योतिराव फुले जन आरोग्य योजनेअंतर्गत केल्या जाणाऱ्या मोफत आणि सवलतीत उपचारांचे आजारनिहाय दरपत्रक जाहीर करण्यात येणार आहे का? असा प्रश्न उपस्थित करण्यात आला. त्यावर सार्वजनिक आरोग्य व कुटुंब कल्याणमंत्री प्रकाश आबिटकर यांनी शनिवारी (दि. २८) विधानसभेत महत्त्वाची माहिती दिली. नऊ आजारांच्या उपचारासाठी सर्व रुग्णालयात दरपत्रक लावण्यात येणार असल्याची माहिती अंशतः खरी असल्याचे आरोग्यमंत्र्यांनी लेखी उत्तरात म्हटले आहे. याबाबत आमदार अस्लम शेख, विजय वडेट्टीवार, विश्वजित कदम आणि इतरांनी प्रश्न उपस्थित केले होते..अवयव प्रत्यारोपणाच्या ५ लाख रुपयांपेक्षा जास्त खर्च होणाऱ्या ९ दुर्मिळ आजारांवरील उपचारांचा खर्च (९.५ लाख ते २२ लाख) राज्य आरोग्य हमी सोसायटीच्या अधिनस्त असलेल्या राखीव निधीतून करण्यास शासनाने मान्यता दिली आहे. याबाबतचा शासन १४ ऑक्टोबर २०२५ रोजी जारी करण्यात आला. एकत्रित आयुष्मान भारत- प्रधानमंत्री जन आरोग्य योजना व महात्मा ज्योतिराव फुले जन आरोग्य योजनेअंतर्गत, उपचाराच्या दरांमध्ये रक्त तपासणीपासून रोगाचे निदान होईपर्यंत, एक्स रे ते ऑपरेशन पर्यंत व रूग्ण रूग्णालयात दाखल झाल्यापासून ते डिस्चार्ज होईपर्यंत होणाऱ्या खर्चाचा समावेश आहे, अशी माहिती आरोग्यमंत्री आबिटकर यांनी दिली आहे..Ladki Bahin Yojana: लाखो लाडक्या बहिणी अपात्र होणार का?; आदिती तटकरेंची विधानसभेत महत्त्वाची माहिती.१४ ऑक्टोबर २०२५ रोजीच्या शासन निर्णयात नमूद केल्याप्रमाणे हृदय, फुफ्फुस व मूत्रपिंड प्रत्यारोपण तसेच बोन मॅरो प्रत्यारोपण यासह नऊ उपचार व शस्त्रक्रियांसाठी उपचारनिहाय ९.५ लाख ते २२ लाख रुपये या मर्यादपर्यंत पात्र लाभार्थ्यांना विहित पद्धतीने अर्थसहाय्य केले जाणार आहे..Healthcare Services: आरोग्य सुविधा अधिक सक्षम केल्या जातील.विहीत आरोग्य संरक्षणाच्या मर्यादेबाहेरील एकूण ९ विशेष उपचारांचा खर्च संबंधित रुग्णालयांना राज्य आरोग्य सोसायटीमार्फत राखीव निधीतून देण्याबाबत १४ ऑक्टोबर २०२५ च्या शासन निर्णयान्वये तरतूद केली आहे. राज्य आरोग्य हमी सोसायटीच्या अधिनस्त असलेल्या राखीव निधीतून एकूण ९ अवयव रोपण /प्रत्यारोपण शस्त्रक्रियांच्या विहित खर्चास मान्यता देण्यासाठी प्रमाणित कार्यपद्धती निश्चित करण्याची कार्यवाही सध्या सुरु असल्याचे त्यांनी सांगितले..सदर शासन निर्णयात कार्डियाक लॅबच्या खर्चाचा समावेश नाही, याबाबत स्वतंत्र कार्यवाही करण्यात येईल, असेही आरोग्यमंत्री आबिटकर यांनी स्पष्ट केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
