Pune News: शास्त्रीय पद्धतीने देशी गोवंश संगोपन आणि प्रत्यक्षात गोशाळेच्या व्यवस्थापनामध्ये मोठी दरी असल्यामुळे विविध अडचणी तयार झाल्या आहेत. हे लक्षात घेऊन पशुपालक, गोशाळांमध्ये जातिवंत पैदास, व्यवस्थापनातील बदल आणि नवीन तंत्रज्ञानाबाबत जागृती करण्यासाठी महाराष्ट्र गोसेवा आयोगातर्फे सहा महिन्यांपूर्वी ‘ई-गोकट्टा’ उपक्रमास सुरुवात झाली. यामुळे पशुपालक, पशू तज्ज्ञ आणि शासकीय अधिकाऱ्यांमध्ये संवादाचा पूल बांधला गेल्याने देशी गोवंश संवर्धनाला योग्य दिशा मिळाली आहे. .राज्यातील देशी गोवंश आणि गोशाळा शाश्वतदृष्ट्या समृद्ध करण्यासाठी ऑनलाइन तंत्रज्ञानाच्या माध्यमातून देशी गोवंश प्रसार, आर्थिकदृष्ट्या सक्षमता, कायदे आणि विज्ञान आधारित गोसंगोपनाच्या सर्वदूर प्रचारासाठी आयोगातर्फे दर महिन्याच्या एक तारखेस ‘ई-गोकट्टा’ हा ऑनलाइन कार्यक्रम होतो..Desi Cow Conservation : व्यावसायिक देशी गोवंश जतन, संवर्धन गरजेचे .याबाबत महाराष्ट्र गोसेवा आयोगाचे ज्येष्ठ अशासकीय सदस्य डॉ. नितीन मार्कंडेय म्हणाले, की गोशाळा, पशुपालकांमध्ये पशू व्यवस्थापन, पैदास धोरण, प्रक्रिया उत्पादनांची निर्मिती आणि विक्रीबाबत अनेक अडचणी आम्हाला दिसून आल्या. यावर मात करण्यासाठी थेट पशुपालकांशी संवाद साधण्याच्यादृष्टीने आयोगाने महाराष्ट्र दिनापासून (१ मे) सुनिश्चित लिंकद्वारे ऑनलाइन ‘ई-गोकट्टा’ सुरू केला. दर महिन्याच्या एक तारखेस संध्याकाळी ७.३० ते ९ या कालावधीत सर्व जण ऑनलाइन एकत्र जमून देशी गोवंश संवर्धनातील विविध विषयांवर चर्चा करतात..पशुतज्ज्ञ, आयोगाच्या सदस्यांकडून मार्गदर्शन तसेच प्रश्नांना उत्तरे दिली जातात. प्रामुख्याने शुद्ध देशी गोवंश महत्त्व, पैदास धोरण, आरोग्य व्यवस्थापन, आदर्श गोशाळा, समाज उपयोगी कार्य, गो उत्पादने तसेच गो अध्यात्म आणि विज्ञानाबाबत शास्त्रीय मार्गदर्शन करण्यात येते. आयोगाच्या मासिक उपक्रमांचा आढावा घेतला जातो. आयोगातर्फे प्रत्येक ई-गोकट्टा उपक्रमातून प्राप्त झालेल्या सर्व अभिप्रायांची नोंद घेण्यात येते. त्यानुसार सकारात्मक बाबींवर निर्णय घेतला जातो..Desi Cow Conservation : सेंद्रिय शेती पद्धतीमध्ये देशी गोवंश पालनास महत्त्व.याचा चांगला फायदा गोशाळा, पशुपालकांना होत आहे. महाराष्ट्र गोसेवा आयोगाचे अध्यक्ष शेखर मुंदडा, अशासकीय सदस्य संजय भोसले, डॉ. सुनील सूर्यवंशी, सनतकुमार गुप्ता, उद्धव नेरकर, मनीष वर्मा यांच्या सकारात्मक सहयोगामुळे उपयुक्तता वाढली आहे. या उपक्रमास पशुसंवर्धन विभागाचे आयुक्त डॉ. प्रवीणकुमार देवरे, आयोगाचे सदस्य-सचिव डॉ. श्यामकांत पाटील आणि पशू तज्ज्ञांचीही चांगली साथ मिळाली आहे..महाराष्ट्र गोसेवा आयोगाच्या प्रभावी वाटचालीस ‘ई-गोकट्टा’ उपक्रमातून समोर आलेले विषय दिशादर्शक आहेत. याद्वारे शासन, आयोग, पशुपालक आणि गोशाळांमध्ये थेट संवाद झाल्याने देशी गोवंश संवर्धन, उपक्रम आणि उत्पादनांच्या विक्रीसाठी चांगला फायदा झाला आहे.शेखर मुंदडा, अध्यक्ष, महाराष्ट्र गोसेवा आयोग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
