Latur News: कलकोटी (ता. चाकूर) येथे रोजगार हमी योजनेतून ४२ गोठे मंजूर करण्यात आले होते. मात्र, विस्तार अधिकाऱ्यांनी गावात जाऊन पाहणी केल्यानंतर प्रत्यक्षात फक्त एकच ठिकाणी गोठा आढळल्याने निदर्शनास आले आहे. यासाठी शासनाचा ३२ लाखांचा निधी खर्च झाला असून, लातूरच्या गटविकास अधिकाऱ्यांनी या प्रकरणाची चौकशी करून अहवाल जिल्हा परिषदेच्या मुख्य कार्यकारी अधिकाऱ्यांकडे सादर केला आहे. त्यामुळे त्यांच्याकडून या प्रकरणात काय कारवाई होणार याकडे ग्रामस्थांचे लक्ष लागले आहे. .कलकोटी गावात महाराष्ट्र ग्रामीण रोजगार हमी योजनेतून शेतकऱ्यांच्या नावावर ४२ गायगोठे मंजूर करण्यात आले आहेत. अधिकाऱ्यांनी बनावट कागदपत्रे तयार करून सेवानिवृत्त कर्मचारी, बाहेर गावातील शेतकरी यांच्या नावाने गोठे मंजूर करून घेतले व याचा निधी एकाच व्यक्तीच्या नावावर वितरित करण्यात आला आहे. ही बाब ग्रामस्थांच्या लक्षात आल्यानंतर जिल्हा परिषदेच्या मुख्य कार्यकारी अधिकाऱ्यांकडे तक्रार देऊन याची चौकशी करण्याची मागणी करण्यात आली होती. परंतु, वरिष्ठ अधिकाऱ्यांकडून याकडे दुर्लक्ष केले जात असल्यामुळे ग्रामस्थांनी पंचायत समिती कार्यालयासमोर उपोषण केले..MGNREGA Scam : मजुरांच्या खात्यात पैसे टाकणारे चौघे अटकेत.या प्रकरणाच्या चौकशीसाठी लातूर पंचायत समितीचे गटविकास अधिकारी श्याम गोडभरले यांची नियुक्ती करण्यात आली होती. त्यांनी गावात जाऊन पाहणी केली. प्रथमदर्शनी ग्रामसेवकावर निलंबनाची कारवाई करण्यात आली असून, त्यानंतर मनरेगाच्या तांत्रिक अधिकाऱ्यास कार्यमुक्त करण्यात आले आहे. यानंतर विस्तार अधिकारी तुकाराम उप्परवाड, श्रीअनंत पुठ्ठेवाड यांनी गावात जाऊन जिओटॅगप्रमाणे गोठ्याची तपासणी केली. त्यांच्या पथकाला ४२ पैकी फक्त एका ठिकाणी गोठा आढळून आला आहे. त्यांनी याबाबतची माहिती लातूर गटविकास अधिकाऱ्यांना दिली आहे. गटविकास अधिकारी हा अहवाल जिल्हा परिषदेच्या मुख्य कार्यकारी अधिकाऱ्यांकडे सादर करणार आहेत..MGNREGA Benefit Limit: ‘मनरेगा’तील वैयक्तिक लाभांच्या योजनांसाठी दोन लाखांची मर्यादा.७७ हजारांचा निधीएका गोठ्यासाठी ७७ हजार रुपयांचा निधी दिला जातो. त्याप्रमाणे ४२ गोठ्यासाठी ३२ लाख रुपये खर्च झाले आहेत. प्रत्यक्षात मात्र एकच गोठा आढळून आला आहे. गोठा मंजूर करताना शेतकऱ्यांच्या शेतात तेवढी जनावरे आहेत का, याचा अहवाल पशुवैद्यकीय अधिकारी देतात. त्यानुसार पंचायत समितीकडून मंजुरी दिली जाते..कलकोटी गोठा प्रकरणाच्या चौकशीचा अहवाल लातूरचे गटविकास अधिकारी जिल्हा परिषदेकडे देणार आहेत. त्यानंतर पुढील कारवाईबाबत निर्देशित केले जाईल.- संतोष वंगवाडे, गटविकास अधिकारी, पंचायत समिती, चाकूर.या प्रकरणाची तातडीने चौकशी पूर्ण करून दोषी असणाऱ्या सर्वांविरुद्ध कारवाई करावी. कारवाई न केल्यास ग्रामस्थ पुन्हा उपोषण करणार आहेत.- दीपक मुर्के, तक्रारकर्ता, कलकोटी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
