Beed Shetakari Mitra Update: आत्मा योजनेअंतर्गत २०२६-२७ या आर्थिक वर्षासाठी ‘शेतकरी मित्र’ निवडण्याच्या सुधारित मार्गदर्शक सूचना प्राप्त झाल्या आहेत. बीड तालुक्यासाठी ४८ शेतकरी मित्रांचा लक्षांक निश्चित करण्यात आला आहे. गावपातळीवर शेतकरी आणि कृषी विभाग यांच्यातील महत्त्वाचा दुवा म्हणून काम करण्यासाठी अनुभवी व प्रयोगशील शेतकऱ्यांची निवड करण्यात येणार असल्याची माहिती कृषी विभागाने दिली..बीड तालुक्यातील मंजूर सहाय्यक कृषी अधिकारी पदांच्या संख्येनुसार प्रत्येक मंजूर पदासाठी एका शेतकरी मित्राची निवड करण्यात येणार आहे. ही निवड दोन वर्षांच्या कालावधीसाठी राहणार आहे. निवड प्रक्रिया पारदर्शकपणे राबविण्यासाठी एकूण शेतकरी मित्रांपैकी ३० टक्के महिला शेतकरी मित्रांची निवड करणे अनिवार्य करण्यात आले आहे. ग्राम कृषी विकास समितीच्या माध्यमातून ही निवड केली जाणार आहे..Shetkari Mitra Recruitment: शेतकरी मित्रांची निवड आता पारदर्शकपणे.शेतकरी मित्र हा कृषी क्षेत्राची आवड असणारा, नावीन्यपूर्ण प्रयोग करणारा, नवीन तंत्रज्ञानाचा स्वीकार करणारा आणि तंत्रज्ञानाच्या प्रसारासाठी स्वतःहून वेळ देणारा असावा. शेतकरी मित्राचे वय किमान २५ व कमाल ६० वर्षे असावे. तो संबंधित सहाय्यक कृषी अधिकाऱ्याच्या कार्यक्षेत्रातील गावाचा रहिवासी व शेतकरी असावा. त्याच्यावर कोणत्याही प्रकारचा गुन्हा दाखल झालेला नसावा. तसेच त्याचे शिक्षण किमान बारावी उत्तीर्ण असणे आवश्यक आहे..शेतकरी मित्र निवड प्रक्रियेत तालुक्यातील एकूण निवडींपैकी ३० टक्के जागा महिलांसाठी राखीव ठेवण्यात आल्या आहेत. त्यानुसार बीड तालुका कृषी अधिकारी कार्यालयामार्फत २४ ऑगस्ट रोजी लॉटरी पद्धतीने महिलांसाठी राखीव गावांची निवड करण्यात आली..Women Empowerment: महिला शेतकरी सक्षमीकरण विधेयक : प्रभावी अंमलबजावणीची गरज.महिला आरक्षणासाठी पिंपळादेवी, नाळवंडी, कुर्ला, आंबेसावळी, खापर पांगरी, राजुरी न., पेंडगाव (अनुसूचित जाती), सांक्षाळपिंप्री, पिंपळगाव घाट, चोसाळा, बेलखंडी पा., लिंबागणेश, रौळसगाव, नेकनूर व शिवणी ही गावे निश्चित करण्यात आली. अनुसूचित जाती राखीवमध्ये ईट, गुंधा, खांडेपारगाव, बीड बोबडे व पेंडगाव, तर हिंगणी बु. हे गाव महिला राखीव करण्यात आले आहे. अनुसूचित जमाती राखीवमध्ये ताडसोन्ना, मोरगाव, बाळापूर व मैंदा या गावांचा समावेश आहे..उर्वरित सर्वसाधारण गावांमध्ये म्हाळसजवळा, नाथापूर, पिंपळनेर, वरवटी, पाली, लोळदगाव, चऱ्हाटा, कोळवाडी, आहेरचिंचोली, पारगाव सिरस, पालवण, लोणीघाट, देवी बाभुळगाव, मांजरसुंबा, पिंपरनई, बोरखेड, पोथरा, कळसंबर, करचुंडी, येळंबघाट, वांगी, ढेकणामोहा, बोरफडी व हिवरापहाडी आदी गावांचा समावेश आहे. ही निवड तालुका शेतकरी सल्ला समितीचे सदस्य, मंडळ कृषी अधिकारी, उपकृषी अधिकारी व सहाय्यक कृषी अधिकारी यांच्या उपस्थितीत लॉटरी पद्धतीने करण्यात आली..शेतकरी मित्रांची सेवा मानधन तत्त्वावर राहणार असून, कोणत्याही परिस्थितीत कृषी विभागात कायमस्वरूपी नियुक्तीचा दावा करता येणार नाही. प्रथम नियुक्ती एका वर्षासाठी असेल. वार्षिक मूल्यमापनात प्राप्त गुणांच्या आधारे सेवा पुढील वर्षासाठी सुरू ठेवण्यात येणार आहे. सेवा सुरू ठेवायची किंवा नाही, याचा निर्णय तालुका कृषी अधिकाऱ्यांच्या मूल्यमापनाच्या आधारे ग्राम कृषी विकास समितीच्या ठरावानुसार घेतला जाणार आहे..शेतकरी मित्रांना दरमहा १,५०० रुपये मानधन देय राहणार आहे. आरक्षणानुसार अर्ज संबंधित सहाय्यक कृषी अधिकाऱ्यांच्या मुख्यालयातील ग्राम कृषी विकास समितीकडे १० सप्टेंबर २०२६ पर्यंत सादर करावेत, असे तालुका कृषी अधिकारी अशोक साळी यांनी कळविले आहे..‘शेतकरी मित्र’साठी पात्रतावय २५ ते ६० वर्षे असावे.संबंधित गावातील रहिवासी व शेतकरी असणे आवश्यक.शिक्षण किमान बारावी उत्तीर्ण असावे.कृषी क्षेत्राची आवड व नावीन्यपूर्ण प्रयोगांची आवड असावी.नवीन तंत्रज्ञानाचा स्वीकार व प्रसार करण्याची तयारी असावी.उत्तम संवादकौशल्य आवश्यक.कृषी विभागाच्या विविध जबाबदाऱ्या पार पाडण्याची तयारी असावी.उमेदवारावर कोणत्याही प्रकारचा गुन्हा दाखल नसावा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
