Pandharpur Wari Travel : आषाढी एकादशीनिमित्त पंढरपूरला गेलेल्या वारकऱ्यांच्या परतीच्या प्रवासासाठी एसटी महामंडळाच्या अहिल्यानगर विभागाच्या वतीने ३८० बसची व्यवस्था केली आहे. एकादशी आणि द्वादशीला दर्शन झाल्यानंतर वारकरी परतीच्या प्रवासाला सुरुवात करतात. प्रत्येक तालुक्यातील आगारासाठी स्वतंत्र बसची व्यवस्था करण्यात आली आहे. सध्या वारकऱ्यांचा परतीचा प्रवास सुरू आहे. मात्र गुरुपौर्णिमेपर्यंत पंढरपुरात उत्सव असतो. त्यामुळे तोपर्यंत अधिकच्या गाड्या सुरू राहणार आहेत..आषाढी वारीनिमित्त जिल्ह्यातून मोठ्या प्रमाणात भाविक पंढरपूरला गेले आहेत. आषाढी एकादशीला दर्शन घेतल्यानंतर साधारण वीस टक्के वारकरी लगेच परत येतात. परंतु उर्वरित भाविक द्वादशी, काला आणि गुरुपौर्णिमा झाल्यानंतर नंतर परतीच्या प्रवासाला सुरुवात करतात. तेथेच असतात. .Wari Transport Arrangements: वारकऱ्यांच्या सेवेत एसटी सज्ज.पंढरपुरात गर्दी असल्याने अहिल्यानगर व उत्तर भागातील लोकांसाठी पंढरपूरपासून अलीकडे १० किलोमीटर अंतरावर विठ्ठल सहकारी साखर कारखाना कार्यस्थळावरील यात्रा केंद्र शेड तीन येथे अहिल्यानगर जिल्ह्यातील वारकऱ्यांसाठी बस स्थानकाची उभारणी करण्यात आली आहे. येथूनच बहुतांश प्रवासी एसटी गाड्यात बसतात. रविवारी (ता. २६) गर्दीचा अंदाज पाहून गाड्यात पंढरपूर गावांत सोडल्या. महामंडळाने वारकऱ्यांचा परतीचा प्रवास सुखकर होण्यासाठी जादा बसची व्यवस्था केली आहे. .Pandharpur ST Buses: आषाढी यात्रेसाठी एसटीच्या ५,५०० विशेष बसगाड्या.तारकपूर ३६, शेवगाव ३२, जामखेड २७, श्रीरामपूर ३४, कोपरगाव ३९, पारनेर २६, संगमनेर ३२, श्रीगोंदे ३८, नेवासे २६, पाथर्डी २९, अकोले २१ बसची व्यवस्था करण्यात आली आहे. जिल्ह्यातून ३८० बसची व्यवस्था दोन दिवसांसाठी करण्यात आली आहे. गुरुपौर्णिमेपर्यंत वारकरी पंढरपुरातील विविध मठ आणि आश्रमांत राहतात. गुरुपौर्णिमा उत्सवही या ठिकाणी मोठ्या उत्साहात साजरा केला जातो. त्यानंतर परतीचा प्रवास करणाऱ्या वारकऱ्यांची संख्या मोठी आहे. गुरुपौर्णिमेच्या दिवशीही जादा बसची व्यवस्था करण्यात आली आहे..वारकऱ्यांनी सुरक्षित आणि सुखकर प्रवासासाठी एसटी बसनेच प्रवास करावा. पंढरपूर येथील विठ्ठल सहकारी साखर कारखाना कार्यस्थळावरील यात्रा केंद्र शेड तीन येथे अहिल्यानगर जिल्ह्यातील वारकऱ्यांसाठी बस स्थानकाची उभारणी करण्यात आली आहे. वारकऱ्यांच्या सेवेसाठी अतिरिक्त अधिकारी आणि कर्मचाऱ्यांची नियुक्ती करण्यात आलेली आहे.- राजेंद्र जगताप, विभाग नियंत्रक, अहिल्यानगर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
