Vitthal Bhakti Festival 2026: संत तुकाराम महाराजांच्या या अभंगातील भावार्थ प्रत्यक्ष अनुभवत लाखो वारकऱ्यांनी शनिवारी (ता. २५) आषाढी एकादशीचा अनुपम सोहळा डोळ्यांत आणि अंतःकरणात साठवला. सावळ्या विठुरायाच्या दर्शनाची ओढ, चंद्रभागेतील पवित्र स्नान, टाळ-मृदंगाचा अखंड गजर आणि हरिनामाच्या जयघोषाने अवघी पंढरी भक्तिरसाने भारून गेली..आषाढी एकादशीचा पर्वकाळ साधण्यासाठी पहाटेपासूनच चंद्रभागा नदीच्या तीरावर स्नानासाठी भाविकांची गर्दी उसळली. त्यानंतर श्री विठ्ठल-रुक्मिणी मंदिर, प्रदक्षिणा मार्ग आणि नगरप्रदक्षिणा मार्गावर दर्शनासाठी वारकऱ्यांची मोठी रांग लागली. शहरातील मंदिरे, धर्मशाळा, मठ तसेच ६५ एकर क्षेत्रातील राहुट्यांमध्ये अखंड कीर्तन, प्रवचन आणि भजनाचे कार्यक्रम सुरू होते..Ashadhi Ekadashi 2026: ''राज्यात चांगला पाऊस पडून शेतकरी सुखी होवो''; मुख्यमंत्र्यांचे विठुरायाला साकडे, धाराशिवमधील शेतकरी दाम्पत्याला महापूजेचा मान.हरिनामाच्या अखंड गजराने पंढरपूरचे वातावरण भक्तिमय झाले होते. यंदा राज्यातील अनेक भागांत पावसाचे प्रमाण कमी असल्याने, शेतीची चिंता असली तरी शेतकरी-वारकऱ्यांच्या भक्तीचा उत्साह मात्र तसूभरही कमी झालेला दिसला नाही. विठ्ठलनामाच्या आधाराने हजारो शेतकरी पायी वारीत सहभागी झाले..संकटांवर मात करण्याची शक्ती आणि समृद्धीची प्रार्थना करत त्यांनी विठुरायाच्या चरणी माथा टेकवला. आषाढी वारीसाठी महाराष्ट्रासह कर्नाटक आणि तेलंगणातून सुमारे १८ लाख वारकरी पंढरीत दाखल झाले आहेत. एसटी, रेल्वे आणि खासगी वाहनांद्वारे येणाऱ्या भाविकांची संख्या दिवसभर वाढतच होती. मंदिर समितीने दर्शनरांगेत चहा, नाश्ता आणि फराळाची व्यवस्था केल्याने भाविकांची गैरसोय मोठ्या प्रमाणात टळली..Ashadhi Wari 2026: पालखी सोहळ्यांचे सोलापूर जिल्ह्यात आगमन.पहाटे मुख्यमंत्री देवेंद्र फडणवीस यांच्या हस्ते सपत्नीक श्री विठ्ठल-रुक्मिणीची शासकीय महापूजा पार पडली. त्यानंतर दिवसभर दर्शन, भजन, कीर्तन आणि नामस्मरणात लाखो वारकरी तल्लीन झाले. चंद्रभागेचा तीर, मंदिर परिसर आणि संपूर्ण पंढरी ‘ज्ञानोबा-तुकाराम’च्या जयघोषाने दुमदुमून गेली आणि आषाढी एकादशीचा हा भक्तिमय सोहळा वारकऱ्यांच्या आयुष्यातील अविस्मरणीय क्षण ठरला..शेतीतील कामे आहेत. पण वारी चुकवायची नाही म्हणून आलो आहे. विठ्ठलाला आमची काळजी आहे. शुक्रवारी सकाळी नऊ वाजता दर्शनाला रांगेत उभा राहिलो होतो. आज शनिवारी सकाळी सहा वाजता दर्शन झाले. जवळपास २२ तास लागले.विठ्ठल दोरकर, शेतकरी, शेलगाव राजुरा, ता. रिसोड, जि. वाशीम.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
