Local Business: समाजातील अठरापगड जातीतील कारागिरांच्या वर्गातील विणकाम करणारे, लोहार असे व्यवसाय काळाच्या ओघात नामशेष झाले आहेत. या कारागिरांच्या उत्थानासाठी आणि त्यांच्या उत्पादनांना बाजारपेठ मिळवून देण्यासाठी शासनाने त्यांना कायमस्वरूपी व्यासपीठ मिळवून देण्याची आवश्यकता आहे, असे मत श्री काडसिद्धेश्वर स्वामी यांनी केले..कणेरी मठावर आयोजित केलेल्या कारागिरी महाकुंभ उपक्रमाच्या सांगता समारोपावेळी ते बोलत होते. आरोग्यमंत्री तथा पालकमंत्री प्रकाश आबिटकर, खासदार धनंजय महाडिक, आमदार राहुल आवाडे, म्हाडाचे माजी अध्यक्ष भाजपचे नेते समरजित घाटगे, ‘गोकुळ’चे अध्यक्ष नविद मुश्रीफ यांची प्रमुख उपस्थिती होती..Rural Economy: 'ग्रामीण अर्थव्यवस्थेत विविध कार्यकारी सोसायट्यांची भूमिका महत्त्वाची'.श्री सिद्धगिरी संस्थान मठ, कणेरी, कोल्हापूर व पर्यटन मंत्रालय, राज्य शासन यांच्या संयुक्त विद्यमानाने सिद्धगिरी संस्थान मठ, कणेरी येथील मुख्य प्रवेशद्वार येथे कारागीर महाकुंभ भरवण्यात आला होता. ३१ मार्च ते ४ एप्रिल या कालावधीत आयोजित केलेल्या या उपक्रमाची सांगता शनिवारी विविध क्षेत्रातील मान्यवरांच्या उपस्थितीत झाली. या महाकुंभमध्ये १५० कलाकार, कारागिरांचा स्टॉल होता..Rural Economy : महाराष्ट्र देशा... शहामृगांच्या देशा....त्यापैकी ४६ स्टॉलवाल्यांच्या वस्तू विक्रीस गेल्याचे सांगण्यात आले. दरम्यान, ज्यांच्या वस्तू किंवा उत्पादने शिल्लक राहतील, ती उत्पादने कणेरी मठ संबंधितांकडून खरेदी करेल, अशी माहिती काडसिद्धेश्वर स्वामींनी दिली. जिल्हा शल्य चिकित्सक डॉ. प्रशांत वाडीकर, जालंदर पाटील, यशवर्धन बारामतीकर, जे. पी. वड्ड, डॉ. वर्षा पाटील, रवींद्र लाड, खादी ग्रामोद्योग संयोजक बसंतकुमार सिंग, विवेक सिद्ध, विक्रम पाटील, विजय सरगर, प्रल्हाद जाधव आदी उपस्थित होते. प्रास्ताविक यशोवर्धन बारामतीकर यांनी केले. सूत्रसंचालन विवेक सिद्ध यांनी केले..१७ राज्यांतून सुमारे २०० कारागिर सहभागीगेली पाच दिवस चालेल्या या कारागिर महाकुंभमध्ये १७ राज्यांतून सुमारे २०० कारागिर सहभागी झाले. विविध तंत्रज्ञ व अभियांत्रिकी महाविद्यालयांच्या विद्यार्थ्यांनी या ठिकाणी पाच दिवस प्रकल्प सादर केले. यातील प्रथम क्रमांक राजाराम बापू टेक्निकल महाविद्यालय ईश्वरपूर यांना, द्वितीय आण्णासाहेब डांगे अभियांत्रिकी महाविद्यालय आष्टा यांना तर तृतीय क्रमांक डीकेटीईच्या विद्यार्थ्यांना देण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
