Latur News: निलंगा तालुक्यात युरिया खताचा तुटवडा सध्या तीव्र स्वरूपात जाणवत असून, हा तुटवडा नैसर्गिक आहे की कृत्रिम निर्माण केला जात आहे, असा सवाल शेतकऱ्यांमधून उपस्थित केला जात आहे. कृषी विभागाच्या ऑनलाइन ब्लॉक प्रणालीवर तालुक्यात युरिया खताचा मोठ्या प्रमाणात बफर स्टॉक उपलब्ध असल्याची नोंद असतानाही प्रत्यक्षात कृषी सेवा केंद्रांवर शेतकऱ्यांना खत मिळत नसल्याने मोठी हेळसांड सुरू असून, याकडे प्रशासनाने लक्ष देण्याची मागणी शेतकऱ्यांमधून होत आहे..निलंगा तालुका ऊस, गहू तसेच इतर पिकांच्या उत्पादनासाठी ओळखला जातो. सध्या साखर कारखाने सुरू असून शेतकरी ऊसतोड करून कारखान्याला ऊस पुरवठा करत आहेत. ऊस तोडीनंतर नवीन खोडवा उसाला युरिया खताची अत्यंत गरज असते..Urea Shortage: युरिया तुटवड्याची समस्या कृषी मंत्र्यांच्या दालनात.याशिवाय गहू, वैरण पिके तसेच इतर रब्बी पिकांसाठीही युरियाचा मोठ्या प्रमाणावर वापर केला जातो. युरिया खतामुळे पिकांना नायट्रोजन मिळून पिकांची जोमदार वाढ होते, पाने हिरवीगार राहतात आणिउत्पादन वाढीस मदत होते. स्वस्त व लवकर परिणाम देणारे खत असल्यानेशेतकरी मोठ्या प्रमाणावर युरियावर अवलंबून असतात..Urea Shortage : राज्यात युरियाचा साठा ५ वर्षांतील निच्चांकी पातळीवर, कृषिमंत्री दत्तात्रय भरणे यांचे केंद्राला पत्र.मात्र, गेल्या काही दिवसांपासून शेतकरी युरिया खरेदीसाठी बाजारात गेले असता खत नाही, रॅक लागलेला नाही, माल आलेला नाही अशी उत्तरे कृषी दुकानदारांकडून मिळत आहेत. .काही ठिकाणी तर युरिया देण्यासाठी इतर महागडी खते, लिक्विड खते किंवा फवारणीची औषधे खरेदी करण्याची सक्ती केली जात असल्याच्या तक्रारी शेतकऱ्यांकडून होत आहेत. त्यामुळे शेतकरी एकामागून एक कृषी केंद्रांवर हेलपाटे मारत असून त्यांचा वेळ व पैसा वाया जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
