Nashik News: शासकीय कोट्यातून सदनिका लाटल्याप्रकरणी क्रीडामंत्री ॲड.माणिकराव कोकाटे यांच्या अडचणी वाढल्या असून, अखेर त्यांच्या अटकेचे वॉरंट जारी करण्यात आले आहेत. नाशिक जिल्हा प्रथम वर्ग न्यायालयाच्या न्यायमूर्ती रूपाली नरवडिया यांनी बुधवारी (ता.१७) हा आदेश दिला. या आदेशामुळे राज्याच्या राजकीय वर्तुळात खळबळ उडाली आहे. यामुळे कोकाटे यांचे मंत्रिपद धोक्यात येणार असल्याची चर्चा सुरू आहे. .या प्रकरणात हस्तक्षेप याचिकाकर्त्या ॲड. अंजली दिघोळे-राठोड यांनी कोकाटे यांच्या अटकेसाठी न्यायालयात अर्ज दाखल केला होता. या अर्जावर सुनावणी घेत न्यायालयाने अटक वॉरंट जारी करण्याचे आदेश दिले आहेत..Manikrao Kokate Arrest Warrant: माणिकराव कोकाटे यांच्याविरोधात अटक वॉरंट जारी, कुठल्याही क्षणी अटक.जिल्हा व सत्र न्यायाधीश पी. एस. बदर यांनी मंगळवारी (ता.१६) क्रीडामंत्री कोकाटे यांची शिक्षा कायम ठेवली. कनिष्ठ स्तर न्यायालयाने २० फेब्रुवारीला कोकाटे यांना दोन वर्षे कारावासाची शिक्षा सुनावली होती. त्या विरोधात कोकाटे यांनी अपिल केले होते. त्यांचे वकील अॅड अविनाश भिडे उपस्थित होते..मात्र स्वतः ते अनुपस्थित होते. मंत्री कोकाटे यांच्या वतीने मुंबई उच्च न्यायालयात या निर्णयाविरोधात अपिल दाखल करण्यात आले आहे. या अपिलाची सुनावणी अद्याप झालेली नाही. ती केव्हा होईल हे देखील अनिश्चित आहे. नाशिक जिल्ह्यात पहिल्यांदाच एखाद्या मंत्र्याविरुद्ध न्यायालयाने अटक वॉरंट काढले आहे. राष्ट्रवादीसाठी हा मोठा धक्का आहे..Manikrao Kokate: मंत्री कोकाटे यांची दोन वर्षे तुरुंगवासाची शिक्षा कायम.कोकाटे मंत्री झाल्यापासून विविध कारणांमुळे वादात अडकले होते. शेतकरी कर्जमाफीबद्दलचे विधान असो वा विधिमंडळात मोबाइलवर रमी खेळण्याचे प्रकरण असो, पक्षाने वेळोवेळी त्यांची बाजू सावरून घेतली होती. बुधवारच्या कॅबिनेट बैठकीत गैरहजर राहिल्यामुळे राजीनाम्याच्या चर्चांना उधाण आले होते..सदनिका लाटल्याचे काय आहे प्रकरण ?कमी उत्पन्न असणाऱ्या व्यक्तीला मुख्यमंत्री कोट्यातून सदनिका घेताना स्वतःच्या नावावर कुठेही सदनिका नसल्याचे प्रतिज्ञापत्र व आवश्यक माहिती सादर करावी लागते. असे असताना मंत्री कोकाटे व त्यांचे बंधू विजय कोकाटे कागदपत्रे सादर करून नाशिक शहरात मुख्यमंत्री कोट्यातून दोन सदनिका प्राप्त केल्या. दिवंगत माजी राज्यमंत्री तुकाराम दिघोळे यांनी १९९५ मध्ये कोकाटे आणि त्यांच्या भावाविरोधात गुन्हा दाखल केला होता. कागदपत्रांमध्ये फेरफार केल्याचा आरोप त्यांच्यावर असून त्याबाबतचा खटला सुरू होता. त्यांच्या कन्या अंजली या मुद्द्यावर न्यायालयीन लढा देत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
