Arecanut Farming: सिंधुदुर्गनगरी जिल्ह्यातील सावंतवाडी आणि दोडामार्ग तालुक्यात सुपारी पिकांत झालेल्या फळगळीची कृषी अधिकाऱ्यांनी मंगळवारी (ता. २) पाहणी केली. दरम्यान, सुपारी उत्पादकांकडून गेल्या तीन-चार दिवसांपासून नुकसानीचे पंचनामे करावेत, अशी मागणी सुरू होती..जिल्ह्यात ऊन आणि पावसामुळे सुपारी पिकांमध्ये कोळेरोगाचा प्रादुर्भाव वाढला आहे. गेल्या दहा-पंधरा दिवसांपासून मोठ्या प्रमाणात फळगळ सुरू असून, ५० टक्क्यांपेक्षा अधिक फळगळ झाली आहे. फळगळीमुळे सुपारी बागायतदार हैराण झाले आहेत. सतत होणाऱ्या फळगळीमुळे उत्पादकांमध्ये अस्वस्थतेचे वातावरण असून, बागांमध्ये फळांचा खच साचला आहे..Arecanut Fruit Drop: सुपारीला फळगळीचे ‘ग्रहण’.नुकसानीचे पंचनामे करावेत, अशी मागणी सुपारी उत्पादकांकडून सातत्याने सुरू आहे. सिंधुदुर्ग फळबागायतदार संघाचे विलास सावंत, राष्ट्रवादी किसान मोर्चा अजित पवार गटाचे दीपक देसाई यांनी तातडीने पंचनामे करण्याची मागणी केली होती. दरम्यान, जिल्हा कृषी अधीक्षक भाग्यश्री नाईक-नवरे यांनी अधिकाऱ्यांना पाहणीच्या सूचना केल्या..Arecanut Crop Crisis: फळगळीने सुपारी उत्पादक त्रस्त.मंगळवारी सावंतवाडी उपविभागीय कृषी अधिकारी अनिकेत कदम, तालुका कृषी अधिकारी गोरखनाथ गोरे, मंडल कृषी अधिकारी एस. व्ही. भुईंबर, कृषी सहायक पल्लवी सावंत यांनी डिंगणे येथे पाहणी केली. या सुपारी बागांना त्यांनी भेट दिली.शेतकरी मोहन राऊळ, शशिकांत सावंत, शिवराम सावंत यांनी अधिकाऱ्यांना नुकसानीचे वास्तव चित्र दाखविले. .यावेळी विलास सावंत यांनी शास्त्रज्ञांना पाचारण करावे, कशामुळे फळगळ होत आहे, याची कारणमीमांसा शोधावी आणि उपाययोजनाही सुचवाव्यात, अशी मागणी केली. अधिकाऱ्यांनीही दोन दिवसांत शास्त्रज्ञांना आणून बागांची पाहणी करण्यात येईल, असे आश्वासन दिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
