ठळक मुद्देखरीप हंगामात अनेक राज्यांत युरियाची टंचाईयुरियाचा कमीत कमी वापर करणाऱ्या शेतकऱ्यांना मिळणार ८०० रुपयेआंध्र प्रदेशचे मुख्यमंत्री एन. चंद्राबाबू नायडू यांचा निर्णय.Urea shortage : खरीप हंगामात अनेक राज्यांत युरियाची टंचाई दिसून आली. यामुळे युरिया मिळवताना शेतकऱ्यांची गैरसोय झाली. या पार्श्वभूमीवर आंध्र प्रदेश सरकारने एक उपाय शोधून काढला आहे. ज्या शेतकऱ्यांनी युरियाचा कमीत कमी वापर केला आहे; त्यांना आर्थिक साहाय्य म्हणून युरियाच्या प्रति पिशवीमागे ८०० रुपये दिले जातील, असे मुख्यमंत्री एन. चंद्राबाबू नायडू यांनी नुकतेच जाहीर केले..केंद्राच्या पंतप्रधान प्रणाम योजनेअंतर्गत शेतकऱ्यांना प्रति पिशवी ८०० रुपये प्रोत्साहन रक्कम मिळेल, असे त्यांनी सांगितले..Urea Black Market : युरियाचा साठा करून जादा दराने विक्री.नायडू यांनी पंतप्रधान प्रणाम योजनेच्या अंतर्गत अनुदान थेट शेतकऱ्यांना थेट वितरित करण्याचे निर्देश जिल्हाधिकाऱ्यांना दिले. जेणेकरून त्यांना युरियाचा शेतीसाठी कमीत कमी करण्यासाठी प्रोत्साहन मिळेल..त्यांनी राज्यात युरियाची टंचाई नसल्याचा दावा केला. पण शेतकऱ्यांना युरियाचा पुरवठा करण्यासाठी योग्य नियोजन करण्याची सूचना प्रशासनाला केली..Urea Shortage : युरिया टंचाईवर ग्रीन अमोनियाची मात्रा?.रासायनिक खतांचा अतिवापर केल्याचे कारण देत चीनने आंध्र प्रदेशातील मिरची नाकारली. रसायने आणि कीडनाशके तसेच युरियाच्या अतिवापराने कर्करोग होऊ शकतो, असेही मत त्यांनी व्यक्त केले..शेतपिकांसाठी युरियाच्या अतिवापराबाबत आंध्र प्रदेश पाचव्या क्रमांकावर आहे. लोकांच्या आरोग्यावर होत असलेल्या दुष्परिणामांबद्दल शेतकऱ्यांमध्ये जागृती करण्याचे आवाहन त्यांनी यावेळी केले..बाजारातील मागणी आणि पुरवठ्याबाबत माहिती जाणून घेऊन पिकांची लागवड करण्यासाठी शेतकऱ्यांना मार्गदर्शन केले पाहिजे, असे नायडू म्हणाले. रायलसीमा प्रदेश बागायती पिकांच्या बाबतीत 'नंबर वन' ठरला आहे. अनंतपूरमधील दरडोई उत्पन्न कोनासीमा प्रदेशापेक्षा अधिक राहिले आहे..कांद्याची प्रति क्विंटल १,२०० रुपये दराने खरेदीआंध्र प्रदेशात कांद्याचे भाव पडल्याने शेतकऱ्यांचे मोठे नुकसान झाले आहे. या पार्श्वभूमीवर बोलताना नायडू म्हणाले की, शेतकरी हित जपण्यासाठी राज्य सरकार प्रति क्विंटल १,२०० रुपये दराने कांद्याची खरेदी करत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
